Matapos ang ilang taon ay muling nagkita ang si Jose Manalo at dating Eat Bulaga host na si Ruby Rodriguez sa Amerika!
Sa Instagram, ibinahagi ni Ruby ang isang larawan kasama si Jose kung saan makikitang yakap nila ang isa't isa.
“Look who visited me! My buddy legit dabarkads Jose Manalo. Miss u brad. Lalo na sa pasalu para sa mga bagets!!!” aniya sa kanyang caption.
Taong 2021 nang lumipad si Ruby patungong Amerika at magdesisyon na doon na manirahan.
Kasalukuyang nagtatrabaho si Ruby bilang empleyado ng Philippine Consulate General sa Los Angeles, California.
Samantala, kamakailan lang ay nagdiwang ng kaarawan ang anak ni Ruby na si Toni Aquino.
Para markahan ang espesyal na araw nito, idinaan ni Ruby sa isang Instagram post ang kanyang sweet birthday message para sa kanyang “feistiest little machismo lady.”
“To my dearest feistiest little machismo lady @ninichips. No matter how cold u are at times, even if u answer back always, complain a lot, do ur Emote drama queen, I know for a fact how much u Love ur family. How much u adore ur brother and with that alone I cannot even fathom to complain.
“You are now a quarter of a century who will always be mistaken for a 16yr old till they see your body art. I will always and forever got ur back. Though i have to set you free, for life and survival is a learning process. In short, I love you forever, I love you for always, as long as I'm living my baby you will be! HAPPY BIRTHDAY "UMBELEKOY" u know what i mean,” sulat niya.
TINGNAN ANG BUHAY NI RUBY RODRIGUEZ SA AMERIKA SA GALLERY NA ITO:
Sampung taon nang residente si Ruby Rodriguez ng Amerika kaya pabalik-balik siya roon. Doon na rin naka-base ang lahat ng kanyang kapatid.
Kung tatanungin daw si Ruby kung permanente na siyang maninirahan sa Amerika, ayaw niyang magsalita ng tapos. Saad niya sa digital press conference ng Viva Artist Agency, "Hindi natin alam kung ano ang mangyayari tulad no'ng dumating ang pandemic. Alam ba natin na darating 'yan? Di ba, hindi? We don't know what's going to happen."
Sa nasabing press conference, nilinaw ni Ruby na hindi siya umalis sa 'Eat Bulaga' dahil nagpaalam lamang siyang mag-break sa kanyang hosting duties para pumunta ng Amerika para ipagamot ang kanyang anak. Paliwanag ng ngayo'y Viva talent, "Actually, hindi ako umalis, kasi nagpaalam ako na magle-leave of absence lang ako. Ang sabi sa akin ni Mr. Tuviera noon, 'You will always have a home here in 'Eat Bulaga'.'' At, siyempre, inaasahan ko 'yun, so when they started to go on air, it's their decision kung sino pababalikin nila. So, hindi ko alam. Ang makakasagot lang kung tinanggal ako o hindi, ay sila." Binigyan-diin naman ni Ruby na nire-respeto niya ang desisyon ng management ng 'Eat Bulaga' at nananatili pa rin ang linya ng komunikasyon niya sa mga dating katrabaho.
Mahirap mamuhay sa dayuhang bansa kaya hindi nakampante si Ruby at nag-apply sa Philippine Consulate General sa Los Angeles, California at natanggap. "I applied, I went to the proper channels. Hindi po ako appointed, I went through the proper channels, I gave my CV, I gave all the requirements. All their tests, lahat! Para matanggap ako dito," bahagi niya.
Umiral ang pagiging ina ni Ruby kaya pumunta siya sa Amerika, kung saan mas advanced ang medical treatment. Ito ay para ipagamot ang anak na si AJ na may Henoch-Schonlein purpura, isang rare autoimmune disease na tumitira sa kidney. Nakaaantig na sabi ni Ruby, "Since kailangan n'ya ng medical treatment dito, alangan namang wala ang ina. Pwedeng wala ang ama pero ang ina, hindi. Family first, it's my son. Bakit ba tayo nagtatrabaho? Para sa mga anak ko lalong-lalo na sa kanya, para kay AJ."
May stage two nephritis si AJ kaya nais nilang iwasan na ma-dialysis ito o, mas matindi pa nito, sumailalim sa kidney transplant sa murang edad.
Bukod sa medical attention, nais din daw mabigyan ni Ruby ng tamang edukasyon ang bunsong anak dahil isa rin itong special student.
Habang hinihintay ni Ruby ang kanyang mag-ama, na lilipad sa Agosto papuntang Amerika, ipinapakita niya sa kanyang Instagram account ang kanyang simpleng buhay doon tulad ng pagsakay sa subway.
Nakahanap na rin ng mga bagong kaibigan si Ruby sa kanyang bagong pinapasukang trabaho.
Higit sa lahat, nakaka-bonding ni Ruby ang kanyang panganay na anak na si Toni at ilan pa niyang kamag-anak doon.
Noong September 2021, muling nagkita si Ruby at ang kaniyang kaibigan at daing katrabaho, si Ice Seguerra, sa Amerika. Sa Instagram ipinost ni Ice ang selfie nila ni Ruby na may caption na, “Sooooo happy to see you again!!!! Loooove you.”
Muli namang nagkita-kita sa U.S. si Ruby at sina EB Babe Hopia, "That's My Bae" Hotties na sina Joel Palencia at Tommy Peñaflor. Sa post, sinabi ni Ruby na talagang na-miss na niya makakulitan ang mga kaibigan sa 'Eat Bulaga.'
Nakatanggap ng pagkilala si Ruby mula sa Gawad Amerika Foundation dahil sa kaniyang mga gawa at dedikasyon na ipagmalaki ang kulturang Pilipino sa ibang bansa.
All smiles si Ruby Rodriguez sa kanyang unang pasko sa Amerika.
Sa Beverly Hills, nakita ni Ruby ang kapwa Pinay at aktres na si Arci Muñoz.
Sino ba naman ang hindi pupunta sa sikat na Disney California Adventure Park sa Anaheim?
Bumisita rin si Ruby kasama ang kanyang anak na si AJ sa Carlsbad Flower Fields, ang ekta-ektaryang flower fields na namumulaklak mula March hanggang May. Ang taunang pamumulaklak ng Giant Tecolote Ranunculus flowers ay hudyat ng simula ng Spring sa Southern California.
Dumalo si Ruby sa opening night ng Los Angeles Fashion Week F/W 2022 Season kung saan itinampok ang mga gawa ng Dubai-based Filipino designer na si Michael Cinco.
May 2022 nang muling magkita ang dating Eat Bulaga host na si Ruby Rodriguez at ang kanyang kaibigan, ang Soul Diva na si Jaya, na kasalukuyan na ring naninirahan sa Amerika kasama ang pamilya.
Noong August 2022, muling nagtagpo ang landas ni Ruby Rodriguez at ng kanyang dating katrabaho na si Carlo Aquino habang nasa California noon ang huli para sa isang proyekto.
Mahigpit na yakap ang pinagsaluhan nina Ruby Rodriguez at ng kanyang itinuturing na pinsan na si Tom Rodriguez nang muli rin silang magkita sa Los Angeles, California nitong October 2022.