Noong 2016, ipakilala ng GMA Artist Center, na ngayo'y kilala bilang Sparkle, ang sampung miyembro ng boy band/group na One Up. Karamihan sa mga miyembro nito ay sumali sa 'StartStruck' Season 6, samantalang ay iba naman ay nagmomodelo na bago pasukin ang mundo ng showbiz.
Bukod sa pagsayaw at pagkanta, pinasok na rin ng mga kalalakihang ito ang mundo ng pag-arte. Bago pa ipakilala sa publiko ay mayroon na silang nasalihang programa kung saan naipakita nila ang galing nila sa pag-arte.
Sa nakaraang GMA Gala 2023, nagkaroon ng reunion ang ilan sa mga miyembro nitong sina Brent Valdez, Dave Bornea, Jay Arcilla, at Prince Clemente.
Nasaan na kaya ang iba pang miyembro ng One Up? Alamin 'yan sa gallery na ito.
Pinakilala ng GMA Artist Center, ngayon ay Sparkle GMA Artist Center, ang boy band/group na One Up noong 2016.
Naunang nakita ng publiko si Jay Arcilla nang sumali siya sa 'Eat Bulaga' segment na "That's My Bae: 'Twerk It' Dance Contest." Pagkatapos nito, sumali siya sa 'StarStruck Season 6.'
Sa ngayon, aktibo pa rin si Jay sa showbiz habang isa rin siyang reservist ng Philippine Air Force.
Sumikat si Dave Bornea nang mag-trending ang kanyang "Twerk It Like Miley" video sa social media habang nag-aaral sa University of Cebu. Pagkatapos nito, sumali siya sa 'StarStruck Season 6,' kung saan isa siya sa naging Top 18 survivors.
Aktibo pa rin si Dave sa showbiz at huli siyang napanood sa GMA Telebabad series na 'Mga Lihim ni Urduja.'
Nakilala si Nikki Co nang sumali siya sa StarStruck Season 6 at simula noon ay tuloy-tuloy na ang karera niya sa showbiz.
Kasalukuyang napapanood si Nikki sa weekend show ng GMA na 'Walang Matigas na Pulis sa Matinik na Misis.'
Sa 'Eat Bulaga' unang nakilala si Yasser Marta nang sumali siya sa "Spogify feat. Singing Baes."
Bukod sa galing sa pagkanta at pag-arte, pinagpatuloy na rin ni Yasser ang pagmomodelo sa isang sikat na clothing line sa Pilipinas.
Alumnus rin ng 'StarStruck Season 6' si Prince Clemente kung saan naging bahagi siya ng Top 28 survivors.
Kasalukuyang napapanood si Prince sa top-rating GMA Afternoon Prime series na 'Abot-Kamay Na Pangarap.'
Sa 'StarStruck Season 6' rin unang nakilala si Joemarie Nielson, isang half-Filipino, half-Thai na mang-aawit.
Hindi na aktibo ngayon sa showbiz si Joemarie dahil naka-focus siya sa career niya bilang chef.
Produkto rin ng 'StarStruck Season 6' si Arjan Jimenez. Pagkatapos ng 'StarStruck' ay naging parte siya ng dating GMA Telebabad series na 'Alyas Robin Hood' at iba pang programa ng GMA.
Sa isang Instagram post, ibinahagi ni Arjan ang larawan ng kanyang kambal na anak.
Galing din sa 'StarStruck Season 6' ang martial arts enthusiast na si Kevin Sagra. Bukod sa martial arts, maalam rin si Kevin pagdating sa beatbox, drums and piano.
Aktibo pa rin si Kevin sa pagiging aktor, at busy pa rin sa pagpapanatili ng kanyang katawan.
Bata pa lang ay sumasali na si Ralf King ng singing competitions sa TV. Sa katunayan, siya ang itinanghal na winner ng Popstar Kids season 2.
Sa ngayon, Kier King na ang ginagamit na pangalan ni Ralf. Kasali rin siya sa D'Academy Asia sa Indonesia.
Sumali ng 'To The Top' ng GMA News and Public Affairs si Brent Valdez, at dito nagsimula ang kanyang karera sa showbiz.
Ngayon, aktibo pa rin sa showbiz si Brent bilang parte ng 'Voltes V: Legacy.'