"Saktuhan lang tayo, Tito Boy."
'Yan ang sagot ni 'Maging Sino Ka Man' actor David Licauco nang tanungin ni Boy Abunda kung gaano na kayaman ang aktor nang makapanayam siya ng King of Talk ngayong Martes, August 29, sa 'Fast Talk with Boy Abunda.'
Sa ngayon, may dalawang restaurant si David--ang Sobra Cafe sa Molito Lifestyle Center, Alabang at Kuya Korea sa UP Town Center, Katipunan, Quezon City. Nakatakda na ring magbukas ang pangalawang branch ng Kuya Korea na nakapwesto sa SM Clark, Pampanga. Open for franchise na rin ang naturang Korean restaurant.
Ayon kay David, nasa dugo na niya ang pagiging negosyante.
Bahagi niya, "Growing up as a kid, nasa family ako ng mga negosyante so directly and indirectly, tinuruan nila 'kong maging negosyante. And also my friends, talagang halos lahat kami into business so do'n nag-start."
Bukod dito, iniisip na rin ni David ang future kaya nag-iipon na siya ngayon pa lang.
Dagdag niya, "And also gusto ko rin sanang maging okey ang buhay ng pamilya ko, future family ko that's why I try my best para magpayaman."
Tingnan ang buhay-negosyante ni David sa gallery na ito.
Mula sa pamilya ng mga negosyante ang Filipino-Chinese actor na si David Licauco.
Sa ngayon, mayroon siyang dalawang brand: Sobra Cafe at Kuya Korea. Ang kanyang ina ay mula rin sa food and beverage industry.
Noong June 2023, nag-celebrate ng first anniversary ang restaurant niyang Sobra Cafe na matatagpuan sa Molito Lifestyle Center sa Alabang, Muntinlupa. Hearty comfort food ang bentahe ng restaurant.
Magdadalawa naman ang branch ng isa pang business ni David na Kuya Korea. Ang unang branch nito ay matatagpuan sa U.P. Town Center sa Katipunan, Quezon City. Nakatakda namang magbukas ang aktor ng bagong branch nito sa SM Clark, Pampanga.
Open for franchise din ang Kuya Korea na nag-o-offer ng Korean-style rice bowls, chicken sandwiches, fried chicken buckets, noodles, at iba pa.
Very hands-on si David sa kanyang mga negosyo kaya kahit abala sa kanyang showbiz career, sinisikap niyang bumisita sa kanyang mga restaurant twice a week.
Thankful naman si David sa kanyang mga magulang dahil tinutulungan siya ng mga ito na i-handle ng kanyang finances. "Sa finances, to be honest, yun yung medyo mahina ako when it comes to accounting, finances so I have my own accountant and finance manager."