Ang T.G.I.S ay hindi lang kilalang youth-oriented show noong '90s, dito rin nagsimula ang ilang mga kilalang artista, kabilang na ang aktres na si Aiza Marquez.
Pinakilala noon si Aiza bilang batch 3 ng mga artista nakasama sa programa kabilang na sina Anne Curtis, Chubi del Rosario, Vanna Garcia, Yves (Ivan) Gonzalez, at JR Trinidad. Bukod sa pagiging commercial model, ito rin ang nagtulak sa kaniyang career para tumaas at maging parte ng iba't ibang serye at pelikula.
Ngunit matapos ang ilang taon ay iniwan ni Aiza ang spotlight at mas pinili ang pribadong buhay sa ibang bansa. Alamin sa gallery na ito ang naging buhay ni Aiza matapos iwan nag mundo ng showbiz:
Taong 2010 nang huling lumabas si Aiza sa TV sa isang episode ng drama anthology series program habang 2007 nang huli siyang napanood sa isang teleserye.
Nang magkaroon ng relasyon si Aiza mas pinili niya ang buhay malayo sa showbiz sa halip na ipagpatuloy ang kaniyang nasimulang career dito. Noong 2011 ay ipinanganak niya ang unang anak na si Brooklyn Kate.
Sa naunang interviews ni Aiza, nabanggit niyang nag-aayos na ang kaniyang pamilya para pumunta sa US. Noong 2011, nag-migrate na rin siya doon kasama ng dating asawang si Chino Banas.
Ikinasal sina Aiza at Chino sa US noong 2014.
Noong 2016, ipinanganak naman ni Aiza ang ikalawang anak nila ni Chino, si Bryce Matthew.
Ang masaya at matagal na pagsasama nina Aiza at Chino ay nauwi rin sa hiwalayan kalaunan.
Pinalaki ni Aiza sina Brooklyn at Bryce bilang isang single parent matapos silang maghiwalay ni Chino. Kahit hiwalay na, sinabi ng aktres sa isang interview na nabibisita pa rin ng kaniyang mga anak ang kanilang ama.
Sa mga post ni Aiza sa Instagram ay madalas niyang isama ang mga anak para mamasyal o kaya naman ay magbakasyon sa iba't ibang lugar.
Noong 2016 nagkaroon ng mini reunion ang batch 3 ng T.G.I.S. nang magbakasyon si Aiza sa Pilipinas. Naging welcome home party rin ang pagkikita nila ng mga kasamahang sina Anne, Vanna, Yvez, Chubi, at JR.
Kahit matagal nang wala sa Pilipinas o tumigil sa showbiz ay madalas pa rin connected si Aiza sa kanyang naging co-stars na bumibisita sa US.
Sa isang interview noong 2020, bago mag-lockdown dahil sa pandemci, sinabi ni Aiza na nakikipag-date siyang muli sa isang Colombian.
Noong May 2020 nagkaroon muli ng reunion via online ang 'T.G.I.S.' Ang virtual reunion na ito ay ng tatlong oras na puno ng kuwentuhan.
Nagbigay naman ng life update si Aiza sa interview niya, kasama ang ilan sa mga kasama niya sa 'T.G.I.S.' batch 3, sa online talk show ni Paolo Contis na 'Just In.'
Nang unti-unting lumuwag ang restriction dulot ng pandemic, nagsimula nang mag-hike muli si Aiza sa iba't ibang mga bundok sa US.
Kahit minsan ay busy sa trabaho, sinisigurado ni Aiza na meron pa rin siyang oras para maka-bonding ang kaniyang mga anak.
Matapos ang halos isang dekada na hindi pag-perform ay nakatapak muli si Aiza sa entablado noong 2021 para sa isang Entepreneur Recognition Night kasama ang ilang mga celebrities, kabilang na ang 'Makiling' actress na si Ruffa Mae Quinto.
Nakapag-perform muli si Aiza sa entablado noong 2022 sa pagdiriwang ng 124th Philippine Independence sa New York.
Noong June 2023, ipinagdiwang ni Aiza ang pagtatapos sa elementary ng kanyang panganay na anak na si Brooklyn.
Nang magpunta sa US ang banda ng The Voice Generation coach na si Chito Miranda na Parokya ni Edgar, isa sa mga naging guest nila ay si Aiza.