'Lolong' star Nikko Natividad, ipinasilip ang pinapagawang beach house sa Zambales
Photo Inside Page
Photos
Bukod sa taping ng GMA Prime series na 'Lolong: Bayani ng Bayan,' busy rin ang aktor na si Nikko Natividad sa ipinapagawa niyang beach house sa Zambales.
Makailang ulit na nag-update ng former It's Showtime talent sa kaniyang Instagram account sa ipinapatayo niyang property.
Sa post niya noong November 11, humirit ito na, “Sabi sa inyo totoo yung LOAN OF ATTRACTION .
“Naalala ko naliligo lang kami sa dagat ni @hashtag_zeuscollins @mykapaulinee at @_cielovesyou sa zambales. Tapos sabi namin (parang masarap magka beach house) ayun na LOAN OF ATTRACTION na namin kaya sana mabayaran na namin to.”
Napa-comment naman ang kaibigan niya na si Zeus Collins na sinabing, “KONTI NALANG!!!! Konti nalang bebenta ko na atay ko atay ko.”
Source: nikkonatividad (IG)
Nanalo si Nikko sa It's Showtime talent competition na 'Gandang Lalaki' noong 2014. At nitong July, inanunsyo nila ng kaniyang misis na si Cielo Mae Eusebio na magkaka-baby sila.
Ikinasal ang dalawa noong October 2021 sa Club Ananda sa Nasugbu, Batangas.
Samantala, silipin ang ilang bonggang-bonggang beach hoses ng mga sikat sa gallery sa ibaba.
