WATCH: Lovi Poe, sumabak sa kanyang pinaka sexy scene kasama sina Derek Ramsay at Christopher de Leon

Bibida sa isang romantic film ang Kapuso premiere actress na si Lovi Poe kasama ang mga aktor na sina Christopher de Leon at Derek Ramsay.

Ayon sa ulat ni Lhar Santiago sa 24 Oras, tila mahihiya raw si Lovi na ipakita sa kanyang ina ang itinuturing niyang most intimate sexy scenes so far. 

Pero ayon kay Lovi, hindi naman daw malaswa ang mapapanood ng mga manonood ng The Escort. Aniya, "My loves scenes were done tastefully by my director so I'm just really happy na si Direk Enzo [Williams] really took care of us."

WATCH: Lovi Poe sings 'The Escort' theme song

Bukod pa rito, magaang daw katrabaho ang kanyang dalawang leading men. "Si Derek, very professional, maalaga talaga," pahayag ni Lovi.

Dagdag pa niya, "Si Sir Boyet (Christopher), I'm just really happy that I got to shoot this kind of film with him. Sabi ko nga, parang it's a different experience as an actress."

Samantala, ibinahagi rin ni Lovi ang kanyang pasasalamat sa magandang feedback na nakukuha ng GMA Telebabad soap na Someone To Watch Over Me. Pinagbibidahan niya ito kasama si Kapuso actor Tom Rodriguez kung saan gumaganap si TJ bilang asawa ng karakter ni Lovi na mayroong Alzheimer's disease.

"'Yung fact na lang na may mga taong nakakaranas din ng nangyayari sa character ko bilang si Joanna, na may nakakasama silang family member or loved one na may Alzheimer's, masakit na marinig na nangyayari talaga ito sa totoong buhay," pagtatapos ni Lovi.

Video from GMA News

MORE ON LOVI POE:

Bakit special ang phone call scene nina Lovi Poe at Tom Rodriguez sa 'Someone to Watch Over Me?'

WATCH: Sino ang dahilan kaya excited magtrabaho si Lovi Poe?

LOOK: Who is the mysterious guy in Lovi Poe's instagram post?