EXCLUSIVE: Marian Rivera, nagulat nang ma-sold out ang kanyang flower arrangements sa Flora Vida

Mahigit isang linggo lamang matapos ang soft opening ng Flora Vida noong April 18, agad na nagpasalamat si Marian Rivera dahil sold out na kaagad ang kanyang flower arrangements.

"Thank you so much for patronizing Flora Vida by Marian. All our flower arrangements (name of provinces and colors in Spanish except Rosa en Rosa and Naranja y Amarillo) are already SOLD OUT," saad sa Instagram ng business ng Kapuso Primetime Queen.

Sa isang exclusive interview ng GMANetwork.com, ikinuwento ni Marian na hindi niya inaasahang tatangkilikin ang Flora Vida. Aniya, "Nagpapasalamat talaga ako sa mga taong sumusuporta at naniwala sa 'kin. Unexpected na ganito talaga ang mangyayari, na maso-sold out talaga ako."

Si Marian mismo ang nag-a-arrange ng mga bulaklak at nag-aral pa siya sa Japan bago siya tumanggap ng orders. "Kaya nga sa bawat kukuha ng flowers na 'yon, may letter ako na "this is not perfect ha." Ginagawa ko lang 'to out of passion talaga," paliwanag niya.

Iba raw ang pakiramdam na naibabahagi niya sa ibang tao ang kanyang hilig. "'Yung feeling ko kapag nakakuha ako ng bulaklak eh 'yung happiness ko na gusto ko lang naman i-share sa mga tao na sana 'yung happiness ding 'yon ay ma-extend ko sa kanila," saad ni Marian.

Ngayong May 17 ay muling tatanggap ng orders ang Flora Vida.

MORE ON MARIAN RIVERA:

EXCLUSIVE: Marian Rivera, nag-react sa biglaang pagbubuntis ni Kylie Padilla

WATCH: Pamilya Dantes, enjoy sa pamamasyal sa Italy!

LOOK: Marian Rivera, stunning on the cover of a magazine's special issue

Photos by: @marianrivera(IG)