READ: YesPinoy Foundation family, pinasalamatan ang DongYan sa walang sawang suporta 

Ipinagdiriwang ngayon ng YesPinoy Foundation ang kanilang ika-walong anibersaryo. Ito ang organisasyon na pinamumunuan ni Kapuso Primetime King Dingdong Dantes. At siyempre, hindi maaaring lumipas ang okasyon ng hindi nagpapasalamat ang mga bumubuo ng foundation sa kanilang founding chairman at sa maybahay nito na si Kapuso Primetime Queen Marian Rivera.

"...We in the YesPinoy Foundation family would like to express our sincerest appreciation to our Founding Chairman Dong Dantes and his wife, Ms Marian R. Gracia-Dantes, for their generosity and unwavering support to empower the Filipino youth. We are truly blessed to have been inspired by your acts of kindness that overflow and have transformed lives and communities," bahagi ng organization sa kanilang social media account.

Dagdag pa dito, kinilala din ng foundation ang pagiging role models ng DongYan upang maging mabuting impluwensiya sa pagkakabuklod-buklod ng marami para sa iisang adhikain.

"Both of you would always say that YPF exists because of our dear volunteers, but we would also like to say that we are here because of your leadership and the inspiration that both of you have instilled in our hearts. Salamat po, Chair Dong and Ms. Yan!"

Ngayong araw, August 21, kasabay ng pagdiriwang ng 8th anniversary ng foundation ay mayroon din itong inihandang art exhibit, ang 'I Am Super: An Art Exhibit for Resilience.' Tampok dito ang obra na gawa nina Mark Padernal, Carlo Saavedra, Ivy Lim, Fonso Recto, Albrecht Behmel, Benedict Abigan, Evelyn Montenegro, at Patrick Cabral. Maging ang aktres na si Marian ay may artwork contribution din!

Ang art exhibit na inilunsad ngayong araw ay tatagal hanggang August 27 sa Newport Mall, Resorts World Manila.