Janine Gutierrez, kinilig sa kinalabasan ng kanyang cover sa fashion magazine
Na-overwhelm si Janine Gutierrez sa kinalabasan ng kanyang second cover para sa sikat na fashion magazine.
Isang araw pagkatapos i-launch ang March cover ng Preview Magazine ay inilahad ni Janine ang kanyang pakiramdam ng release na ito. Aniya, "Super kilig. Kilig kasi fan talaga ako ng magazine na 'yun eh. Hindi ko talaga inexpect na makaka-second cover ako sa kanila so super, super kilig. Noong sinabi sa akin na magshu-shoot ako talagang hindi ako makapaniwala."
Kuwento ni Janine ay na-excite siya na makita ang final layout dahil ginawa itong mas makulay. Kakaibang Janine rin ang nakita sa issue na ito dahil nagsuot siya ng colorful swimsuit at pink hair sa kanyang second Preview cover.
"Super excited ako dahil iba 'yung itsura. Pink yung hair, tapos short hair, then sa beach kami nag-shoot eh 'di ba mahilig talaga ako sa beach. Pinaliwanag nila sa akin na gusto nila i-edit 'yung photos para maging mas makulay, so 'yun talaga inabangan ko kasi hindi ko talaga alam 'yung kalalabasan. When I saw it, super happy."