WATCH: Solenn Heussaff at Nico Bolzico, nakalipat na sa kanilang bagong bahay

Mula sa isang condominium unit, lumipat na ng bahay ang celebrity couple na sina Solenn Heussaff at Nico Bolzico.

Pitong taon nang nagsasama ang mag-asawa na ikinasal noong 2016 at plano na nilang palakihin ang kanilang pamilya.

Nagsimula maglipat sina Solenn at Nico noong unang linggo ng Hunyo at base sa kuwento ng aktres sa Balitanghali ay nakatira na sila sa bago nilang bahay.

Ayon sa Kapuso star ay naging hands-on siya, “From pull out ng lahat ng gamit to set in ng lahat to connecting ‘yung mga cables ko and mga detalye sa wall, ako talaga ‘yung nakabantay.”

Marami mang pinagkakaabalahan si Solenn, nagagawa pa rin niyang maging asawa at isingit sa kanyang busy showbiz schedule ang kanyang hobbies tulad ng pagta-travel at pagpipinta.

Nakaabang na raw ang kanyang susunod na exhibit, “Wala akong dates pero next year, for sure. ‘Yung mga theme ko, everything about greenery.”

Video courtesy of GMA News