Thea Tolentino bakit mas gusto ang Friendster kaysa Facebook?
Nag-bonding ang Asawa Ko, Karibal Ko co-stars at mag-BFF na sina Thea Tolentino at Mela Habijan sa Facebook Live. Dito nagkuwentuhan ang dalawa tungkol sa iba't ibang bagay hanggang sa napunta na sa social media ang usapan.
Kuwento ni Thea, kahit matagal ng wala ang sikat na social media site noong early 2000's na Friendster, mas gusto niya pa rin ito kaysa sa Facebook. “I love Friendster, kaysa Facebook kasi doon tayo natuto ng HTML codes.”
Nabanggit din ni Thea na balak niyang bumalik muli ng Japan ngayong taon para sa Halloween. Aniya, “Balak ko doon mag-Halloween this year.”
Since birth daw, mahilig na talaga si Thea sa all things Japanese. “Kasi pinanganak yata ako na una kong, naririnig anime agad,” biro ni Thea.
Ni-reveal din ni Thea ang kaniyang ultimate Japanese celebrity crush--si Yamada Ryosuke, na 2009 pa niya crush. Kuwento ni Thea, “May nabanggit 'yung friend ko about Yamada Ryosuke tapos nag-search lang ako, mga 2009 noon…and everything was history.”
WATCH: Cat fight nina Kris Bernal at Thea Tolentino sa 'Asawa Ko, Karibal Ko,' trending!