WATCH: Kapuso stars, wagi sa Miss World Philippines 2019

Wagi ang tatlong Kapuso stars na sina Michelle Dee, Kelley Day, at Isabelle de Leon sa naganap na Miss World Philippines 2019 competition kahapon, September 15.

Sa Araneta Coliseum, ginantimpalaan si Michelle bilang Miss World Philippines 2019, si Kelley bilang Miss Eco Philippines 2019, at Miss Multinational Philippines 2019 naman si Isabelle de Leon.

Sa nasabing competition, natanong si Michelle kung ano raw ang kanyang natutunan sa kanyang ina na nakatulong sa Miss World Philippines competition.

Aniya, “Well, the most important advice that she gave me was to be yourself.

“I'm not trying to be a replica of her but I'm trying to shine as my own woman.

“And that taught me how to be strong, how to be confident in myself and to embrace single part of my being.

“So thank you, mom, for being here.”

Maalalang ang kanyang ina ay si Melanie Marquez na nakoronahan bilang Miss International noong 1979 sa Tokyo, Japan.

Humakot rin ng iba't ibang awards ang Love You Two star tulad ng Miss Blue Water Day Spa, Miss Myra E, Miss Gico, at Miss Bench sa naganap na coronation night.

Lalaban ang Kapuso actress sa Miss World stage sa darating na December 14 sa London, United Kingdom.

Panoorin ang buong chika ni Lhar Santiago:

LOOK: Meet the winners of Miss World Philippines 2019

JUST IN: Michelle Dee is crowned Miss World Philippines 2019