Lilet says she's positive with 'CLOY' fever; covers soundtrack 'Here I Am Again'

Nag-positive si actress at singer Lilet Esteban, hindi ng coronavirus kundi ng Crash Landing on You fever!

Sa kanyang Instagram, ibinahagi ni Lilet ang kanyang cover ng original soundtrack ng 2020 K-drama na “Here I Am Again” na kinanata ni Baek Yerin.

Ani Lilet, “Ibalita ko lang po. Positive po ako. Tinamaan po ako ng... CLOY bug!

“Dahil dyan, napakanta po ako ng Korean song na 'Here I Am Again' from the 'CLOY' OST.

“I tried my best kaya be forgiving po sana sa mga mispronounced words kasi hindi po ako Koreana, nagfi-feeling lang po. Sa mga CLOY fans kagaya ko, enjoy!”

Sa kanyang YouTube video, makikitang ala Koreana ang suot ni Lilet habang white naka-turtleneck na inspired mula sa character ni Son Ye Jin na si Yoon Se Ri

Kwento pa niya, minabuti nilang pamilya na manood ng “feel good” movies para makabawas ng stress ngayong enhanced community quarantine.

Saad niya, “Kami ng family ko, kasama 'yung daughter ko at husband ko na 'di naman mahilig manood ng drama series, ito 'yung first Korean drama series naming pinanood.

“Sobrang nakakatuwa and feel good kasi we decided na during this enhanced community quarantine na papanoorin lang namin yung mga shows na feel good. Kasi, stressed na nga 'yung paligid mo tas i-e-expose mo pa 'yung sarili mo sa mga stressful na shows. So, 'wag na lang, 'di ba? Para sa sarili naming pamilya 'yun ang gusto namin.

“Sa sobra naming nagustuhan ultimo pati yung soundtrack nila ang gaganda ng songs.”

Pakinggan at panoorin ang cover ni Lilet sa video na ito:

LOOK: Celebrities who fell in love with 'Crash Landing on You'

Are 'Crash Landing on You' stars Hyun Bin and Son Ye Jin dating?