Coney Reyes puts on makeup for the first time since lockdown

Proud na ibinahagi ng award-winning actress na si Coney Reyes ang kanyang quarantine makeup look sa Instagram noong Linggo, August 30.

Aniya, ito ang unang beses na nakapagsuot siya ng makeup simula noong nagpatupad ng lockdown noong Marso.

Saad ni Coney, "Wala naman pinuntahan. I just did an anniversary video greet for our church friends overseas."

Ika pa niya, "My effort putting on makeup deserves a post amidst this pandemic. #marunongparinnamanpala #practicenaulimagmakeup #nomakeupartist #DIYmakeup #2020quarantine"

Sanhi ng COVID-19 quarantine, nahinto sa taping ang GMA show ni Coney na Love of My Life. Ginagampanan niya rito ang papel ni Isabella Gonzales, isang mayamang biyuda.

Wala pang anunsyo kung kailan magbabalik-taping ang nasabing serye. Gayunpaman, maaaring mapanood ang aired full episodes ng Love of My Life at ng iba pang Kapuso series sa GMANetwork.com at GMA Network app.