Around GMA

Article Inside Page

Nasa 30 pounds na ang nabawas sa timbang ng komedyanteng si Paolo Contis simula nang nagsimula ang quarantine noong March.

Ayon kay Paolo, nagsimula siyang mag-exercise at magpapayat para sa kanyang one-year-old daughter na si Summer.

Kuwento ni Paolo sa 24 Oras, “It's not really the weight I lose but the life I gain.”

“It's true para sa akin. Napunta na ako sa point na pagtakbo ni Summer nang ikatlong hakbang, ayoko nang sumama, e. Hindi pwedeng ganun.

“Kailangan nakakahabol na ako. Ngayon, I eat better, I sleep better, I stopped drinking.”

Aminado rin si Paolo na may posibilidad na pumasok sa showbiz si Summer kaya tinuturuan niya ito ng iba't ibang acting techniques. Ang isa sa mga itinuro niya ay ang 'tahimik na pag-iyak' acting.

“Para akong may matandang kausap, grabe nakakatuwa,” dagdag ni Paolo.

“Deretso na 'yung conversation pero siyempre baby pa rin magsalita.

“Tapos may mga acting siya na 'Ouch! Ouch!'”

Sa pagtatapos ng interview, sinabi ni Paolo na susuportahan niya kung ano man ang gustong gawin ni Summer in the future.

“Cliché man pero kung saan siya masaya pero habang bata, ang ituturo mo lang naman sa kanya are the values para pagsinabak mo siya sa giyera, alam na niya ang lahat.”

Magtu-two years old pa lang ang anak nina Paolo Contis at LJ Reyes na si Summer sa January. / Source: paolo_contis