Marami na rin ang mga artistang mas piniling iwan ang kanilang buhay showbiz sa Pilipinas at mag-bagong buhay abroad. Heto ang ilang celebrities na nakahanap ng panibagong simula sa ibang bansa.
Taong 2009 nang iwan ni Krista Ranillo ang showbiz at nanirahan sa Amerika. Kasal na si Krista kay Niño Jeff Lim at mayroon na silang limang anak.
Sa Amerika na rin nakatira sa Carol Banawa kasama ang asawang si Ryan Crisostomo at mga anak na sina Chelsea, River, at Bella. Isa na ring ganap na nurse ang US-based Filipina singer.
Sa San Franciso, U.S.A. naman based si Beth Tamayo kung saan kasama niya ang kanyang husband na si Adam Hutchinson. Mayroon na din silang anak, si Sloane Isabelle
Mayroon ng pamilya si Joyce Jimenez sa Amerika matapos siyang ikasal sa Filipino-American US Air Force na si Paul Ely Egbalic noong 2008.
Nakatira ngayon sa Canada ang dating aktres na si Nancy Castiglione kasama ang kanyang pamilya.
Matapos ang paninirahan ng walong taon sa Peru, nag-migrate ang former actress, model at VJ na si Cindy Kurleto sa Vienna, Austria kasama ang kanyang pamilya.
Isa na ngayong TV show producer sa Amerika si G. Tongi. Ikinasal ang dating aktres kay Tim Walters noong 2005 at biniyayaan sila ng dalawang anak.
Pinili rin ni Jewel Mische ang tahimik na buhay sa Amerika matapos ikasal kay Alister Kurzer noong March 2015. Mayroon na ding silang tatlong anak na babae. Noong December 2021, inanunsiyo ng dating aktres ang desisyon nitong itigil ang kanyang social media.
Isa na ngayong US citizen ang former beauty queen at actress na si Anjanette Abayari. Sa Amerika siya nakatira kasama ang kanyang pamilya at dalawang anak.
Isa na ngayong dialysis nurse ang dating 'T.G.I.S.' star na si Kim delos Santos sa New Jersey, U.S.A.
Taong 2003 nang magdesisyon ang singer-actress na si Tootsie Guevara na mag-migrate sa California, U.S.A at pakasalan ang kanyang Italian-American boyfriend na si Mike Monaco.
Noong 2005, iniwan din ng sikat na kontrabida na si Princess Punzalan ang Pilipinas. Ngayon ay isa na siyang nurse at hands-on mom sa anak niya sa Amerikanong asawa sa U.S.A.
Sa Amerika na rin naninirahan ang commercial model at VJ na si Belinda Panelo kasama ang kanyang pamilya.
Kasama ni Julia Clarete ang kanyang anak sa ibang bansa at mayroong simpleng buhay ang mag-ina sa Malaysia.
Isa na ngayong corporate professional sa New York City, U.S.A. ang dating child star na si Serena Dalrymple. Huling nasa bansa si Serena upang dumalo sa kasal ng kanyang kapatid.
Noong 2016, matagumpay na pinapalitan ni Rustom Padilla ang kanyang pangalan ngayo'y Bb Gandanghari. Kinikilala na rin siya bilang isang babae sa Amerika.
Ikinasal sa London, United Kingdom si Ate Glow o Renee Facunla, ang impersonator ni former president Gloria Macapapal-Arroyo, sa kanyang British boyfriend noong 2016.
Matapos manalo sa 'StarStruck Kids' noong 2004, hindi na itinuloy ni Kurt Perez ang showbiz career at nag-migrate agad siya sa Australia kasama ang kanyang pamilya.
Tinalikuran ng former 'T.G.I.S.' star na si Red Sternberg ang kanyang showbiz career at nanirahan sa Florida, U.S.A. kasama ang kanyang pamilya. Siya ngayon ang Corporate Director of Housekeeping ng By The Sea Resorts Inc.
Isang award-winning actor si Leandro Muñoz na sumikat noong '90s na nanirahan sa Amerika para magtrabaho. Nagtrabaho si Leandro sa linya ng car dealership, ambulance marketing, at financial services.
Sumama si Carlo Muñoz sa kapatid na si Leandro sa paghahanap ng bagong buhay sa Amerika. Kahit na isang award-winning actor din siya tulad ng kapatid, pinili rin ni Carlo na manirahan sa ibang bansa. Pinasok ni Carlo ang iba't ibang trabaho tulad ng warehouse work, at pagiging salesman ng Filipino products para makapag-bagong buhay sa Amerika.