Derek Ramsay, sinagot kung imbitado ba si John Lloyd Cruz sa kasal nila ni Ellen Adarna

Imbitado nga ba si John Lloyd Cruz sa nalalapit na kasal nina Derek Ramsay at Ellen Adarna?

Sa panayam sa PEP.ph, sinagot ni Derek ang tanong kung imbitado ba si John Lloyd sa kasal nila ni Ellen.

Ellen Adarna (IG)

"That's up to Ellen. I wouldn't mind if she decides that she would want him there to see Elias, siya ang ring bearer namin," sagot ni Derek.

"It's perfectly fine for me. Wala namang animosity between John Lloyd and me, so super okay naman sa akin 'yun," dagdag pa ng aktor.

Hindi raw isyu kay Derek kung hindi man maimbita o makadalo si John Lloyd sa kasal nila ni Ellen.

Bukod dito, maliit lang daw ang pinaplano nilang kasal ni Ellen.

"Pero 'yung wedding namin is sobrang liit, sobrang maliit. Talagang very, very intimate, very, very small," pagpapatuloy ni Derek.

"'Di ko alam kung mangyayari 'yun, pero 'di dahil sa dahilan na magkagalit si Ellen saka si John Lloyd. They are very civil with one another and they are doing a good job co-parenting Elias," sabi niya.

Kinumpirma rin ni Derek na maayos ang co-parenting arrangement nina Ellen at John Lloyd para kay Elias.

"When Elias is here, John Lloyd knows his son is safe. When Elias is with John Lloyd, Ellen knows that Elias is safe," dagdag pa ni Derek.

Sa nakaraang panayam, dinepensahan ni Derek si John Lloyd at sinabing "mabuting ama" ito kay Elias.

Inalok ng kasal ni Derek si Ellen noong Marso matapos ang halos dalawang buwang pakikipagrelasyon.

Samantala, balikan sa gallery na ito ang engagement nina Derek Ramsay at Ellen Adarna: