Richard Yap, isa sa mga ninong ng anak ni Angeline Quinto

Masaya ang Kapuso leading man na si Richard Yap na isa siya sa mga napiling ninong ng anak ng Kapamilya talent na si Angeline Quinto at non-showbiz partner nitong si Nonrev Daquina.

Isinilang ni Angeline si Baby Sylvio noong April 27, 2022.

Sa Instagram post ng Fil-Chi actor, ibinahagi nito ang ilang highlights ng Christening celebration ni Baby Sylvio. Kasama niyang dumalo sa event ang misis na si Melody Leva Yap.

Samantala, nagpaabot naman ng pasasalamat ang first-time mom na si Angeline sa lahat ng mga mahal nila sa buhay at kaibigan na dumalo sa espesyal na okasyon na ito.

Post niya, “Maraming salamat sa lahat ng mga dumalo sa Christening celebration ni @babysylvio Our family is very grateful for your presence on this special day.”