Kahit celebrities, nakakaranas din ng kakaibang cravings o paglilihi. Ano kaya ang mga nakahiligan ng ating celebrity moms o saan pinaglihi ang ilan sa kanila? Alamin sa gallery na ito.
Naglihi raw ang Kapuso Primetime Queen sa sikat na candy na White Rabbit at Haw Haw.
Kuwento niya noong ipinagbubuntis pa niya si Zia, “Nung isang araw pa ang hinanap ko White Rabbit, 'yung candy na kinakain 'yung balat. Tapos nung isang araw, Haw Haw, 'yung candy pa rin. Kulay puti pa rin.”
Pinaglihian daw ni Camille Prats si Jerald Napoles noong siya'y buntis kay Nala.
Ito ang kaniyang unang anak sa asawang si VJ Yambao. Ika niya sa isang episode ng 'Mars,' “Feeling ko pinaglilihian ko siya (Jerald), Mars kasi nasa isip ko pa rin siya hanggang ngayon. Oh my gosh, baby.”
Naglihi raw ang Queen of All Media na si Kris Aquino sa balut noong ipinagbubuntis si Josh.
Si Josh ang panganay na anak ni Kris sa aktor na si Phillip Salvador.
Pinaglihian daw ni Katya Santos si Ryzza Mae Dizon noong buntis sa kaniyang anak na si Tala.
Ngayon, nakakasama niya na sa pagta-travel ang kaniyang litte girl na si Tala.
Pinaglihi raw diumano si Regine Velasquez sa nag-iisang Superstar na si Nora Aunor.
Ngayon, isa na rin siyang mommy sa kaniyang unico hijo na si Nate.
Plums daw ang pinaglihian ni Megastar Sharon Cuneta sa kaniyang panganay na si KC Concepcion.
Masuwerte raw si Sharon na sa Amerika siya nagbuntis kaya't nakakakain siya madalas ng masasarap na plums.
Para kay Aubrey Miles, ang kaniyang live-in partner na si Troy Montero naman daw ang naglihi noong siya'y buntis sa anak nilang si Hunter.
Taong 2008 nang ipinanganak ni Aubrey si Hunter Cody.