Kristoffer Martin goes back to school

Masayang ibinalita sa amin ng Kapuso actor na si Kristoffer Martin ang balak niyang bumalik sa pag-aaral ngayong semester.

Incoming Entrepreneurship freshman ang lead actor ng primetime series na Kahit Nasaan Ka Man sa San Beda College, pero kumuha rin pala siya ng entrance exam sa Angelicum
College, kung saan nag-aaral ang leading lady niya na si Julie Anne San Jose.

"Balak kong bumalik ng Beda, or kung hindi kaya, baka mag-Angelicum ako. Kung sa Beda ako, kukunin ko pa rin 'yung Entrepreneurship, itutuloy ko. Pero kapag hindi, lilipat ako ng Angelicum, baka Comm Arts," kuwento ni Kristoffer nang makausap namin sa taping ng Kahit Nasaan Ka Man last November 6.

Kristoffer also shared why his two choices seem far from each other. "Sa Beda kasi, ang pumili ng course na 'yun, si Daddy, 'yung Entrepreneurship, for me to handle my finances daw. Ang gusto ko talaga Pol Sci, Psychology or English Lit para diretso sa Law, kasi gusto kong mag-abogado nung hindi pa ako artista. Pero alam ko sa sarili ko na hindi naman kaya dahil may schedule so naging practical na lang ako, kung ano 'yung kakayanin."

He adds, "'Yung Beda kasi, dream school ko 'yun. Wala kasing malapit sa field ko ngayon na for arts. Puro din kasi Law, Medicine, Business Ad. 'Yung gusto ko kasi 'yung mae-enhance pa 'yung kung ano 'yung andidito ngayon. So 'yung pipiliin ko Comm Arts sa Angelicum. Mayroon sila, plus maluwag sila sa schedule so pinagpipilian ko pa."

Nagpatulong din daw siya kay Julie Anne San Jose sa kanyang application sa Angelicum. "Sa kanya nga ako nagpatulong eh. Comm Arts din siya, pero third year na."

Early this week ay nag-post si Kristoffer sa kanyang Instagram account na @flinstuns ng photo ng kanyang San Beda College school ID.

Catch Kristoffer Martin on Kahit Nasaan Ka Man, weeknights after Genesis, on GMA Telebabad. -- Text by Michelle Caligan, Photo by Bochic Estrada, GMANetwork.com