Ina Feleo and Ashley Ortega flaunt their figure skating skills

Muling ipinamalas nina Ina Feleo at Ashley Ortega ang galing sa figure skating.

Noong Huwebes, September 22, ipinakita ni Ina ang ginagawang pag-eensayo sa ice rink kasama si Ashley. Mapapanood dito ang sabay at swabeng pag-ikot at pag-glide ng dalawang aktres.

"Happy training earlier with [Ashley Ortega]," sulat ni Ina. "So nice to train with friends again! Side by side camel and ina bauer."

View this post on Instagram

A post shared by Ina Feleo (@ina_feleo)

Ilan sa celebrities na napahanga sa husay nina Ina at Ashley sa figure skating ay sina Thia Thomalla, Dianne Medina, Arra San Agustin, Rhen Escano, Djanin Cruz, at Iza Calzado.

Kamakailan lamang nang bumalik si Ashley sa figure skating matapos na maging abala ng apat na taon sa showbiz. Isa na rin itong preparasyon para sa kanyang bagong proyekto na GMA.

Dati namang aspiring Olympic figure skating champion si Ina. Sa husay na ipinapakita ngayon sa figure skating hindi aakalaing sampung taon na nang huling nakatutong sa ice rink ang aktres.

TINGNAN ANG ICE-SKATING PHOTOS NI ASHLEY ORTEGA SA GALLERY NA ITO: