Aiko Melendez, gusto makatrabaho si Ken Chan

Artista na si Aiko Melendez noon pa mang '80s pero kahit na maliit lamang ang mundo ng showbiz, marami pa rin siyang artista na hindi pa nakakatrabaho.

Sa isang Q&A sa kanyang Instagram Story noong Linggo, October 23, inamin ng actress-turned-politician na nais niyang makasama sa isang proyekto ang mahusay na Kapuso actor na si Ken Chan dahil aniya ay "nagagalingan" siya rito.

Nakarating naman Ken ang mga magagandang sinabi ni Aiko tungkol sa kanya at ibinahagi ang kanyang reaksyon sa Twitter.

Ayon kay Ken, "This made my day. Thank you so much Ms. Aiko Melendez. I am also looking forward to working with you soon. Sana…Sana..."

Samantala, sinagot din ni Aiko ang ilang mga tanong tungkol sa past show niyang Prima Donnas at sa bago niyang primetime series na Mano Po Legacy: The Flower Sisters na mapapanood na sa Lunes, October 31.

Ayon kay Aiko, dapat abangan ang guesting nila sa Eat Bulaga ng Mano Po Legacy: The Flower Sisters co-stars niyang sina Beauty Gonzalez, Thea Tolentino, at Angel Guardian.

Shinare rin ni Aiko ang personal relationship niya sa kanyang Prima Donnas co-star na si Wendell Ramos na inilarawan niyang "one of my favorite leading men" at "totoong tao."

Binalikan naman ni Aiko ang paboritong eksena niya kasama si Elijah Alejo sa Prima Donnas.

TINGNAN SA GALLERY NA ITO KUNG BAKIT "SWEETHEART" ANG TURING KAY AIKO SA SHOWBIZ: