Kylie Padilla receives flowers and cake on Valentine's Day
Nakatanggap ng bulaklak at cake ang Kapuso star na si Kylie Padilla noong Araw ng mga Puso kahapon, February 14.
Ibinida niya ito sa kanyang Instagram account kung saan makikita ang posibleng tawagan nila ng kanyang special someone na nakasulat sa cake. Sulat dito, "I...LOVE YOU SQUIRTLE."
"Who likes pokemon?" naman ang simpleng caption ni Kylie na may reference sa character ng video game series na Pokémon na si Squirtle.
Tikom pa rin ang bibig ni Kylie kung sino ang nagpapatibok sa puso niya ngayon pero na-spot-an siya sa isang mall na may kasamang lalaki na may mahabang buhok.
Sa isang TikTok video ng celebrity fitness coach na si Francis Simon, kinumpirma naman ng aktres na ang mystery guy ang lalaking nagpapasaya sa kanya ngayon.
Hindi nabanggit ni Kylie kung ano ang pangalan ng lalaki pero may ilang netizens na nagsasabi na ito ay ang tattoo artist na si Jinno John Simon.
Samantala, mapapanood si Kylie sa inaabangang GMA series na Encantadia Chronicles: Sang'gre, na continuation ng iconic telefantasya na Encantadia.
Muli niyang gagampanan ang papel bilang Amihan sa serye.