Marami ang nagulat at natuwa nang mag-propose ang film producer na si Neil Arce sa dating 'Mulawin' star Angel Locsin. May ilan din napaisip kung sinu-sinong celebrities ang naka-date niya bago mahanap ang kanyang 'the one' na si Angel. Kilalanin sila sa gallery na ito:
Unang naging matunog ang pangalan ni Neil sa showbiz nang ma-link siya sa aktres na si Maxene Magalona.
Ayon sa dating 'Pahiram ng Isang Ina' actress, tumagal ang relasyon nila ni Neil ng one year and three months. Nanatili rin daw silang magkaibigan sa kabila ng kanilang breakup.
Happily married na ngayon si Maxene sa musician-model na si Robby Mananquil. Ikinasal sila sa Boracay noong January 11, 2018.
Matagal din ang naging relasyon ni Neil Arce at dating Kapuso actress na si Bela Padilla bago sila naghiwalay noong January 2017.
Inamin ni Bela na nawalan siya ng oras para kay Neil dahil sobra siyang tutok sa trabaho. Dagdag ni Bela, kailangan niyang kumayod noon para sa ama na may sakit na cancer. Tumagal ang kanilang relasyon ng apat na taon
Kahit nauwi sa hiwalayan ang relasyon nina Bela at Neil, nanatili pa rin ang kanilang professional relationship. Sa katunayan, nagkatrabaho sila sa pelikulang 'Last Night' (2017), na pareho nilang na-conceptualize samantalang si Bela naman ang sumulat ng screenplay.
Sa Instagram Story naman ni Bela Padilla noong July 10, 2019, diretsahan niyang sinagot ang tanong kungapektado ba siya engagement ni Neil Arce at ng girlfriend niya na si Angel Locsin, “Why would you assume that I'm affected I'm happy for them.”
September 2017 nang kumpirmahin ni Angel Locsin na nagdi-date sila ng film producer na si Neil Arce, pero hindi pa sila opisyal na boyfriend at girlfriend. Ayon kay Angel, seven years na raw silang magkaibigan ni Neil.
Matamis ang naging selebrasyon ng Valentine's Day nina Neil at Angel noong 2018 dahil, finally, inamin na ng aktres na boyfriend niya ang film producer.
Nagkaroon naman ng bali-balita na hiwalay na si Neil at Angel noong October 2018. Pinasinungalinan naman ito ni Neil sa pamamagitan ng pag-post ng larawan ni Angel, na kasama niyang nagbo-bonding habang nasa kotse
Dahil sa hindi mamatay-matay na isyu ng hiwalayan, muling nag-post sa Instagram si Neil Arcee noong November 5, 2018, para ipakitang magkasama sila ng former 'Mulawin' star sa U.S. Sabi pa niya, “Hey World... look How beautiful my girlfriend is[smile emoji] and guess what she's also an Angel! ”
Nag-propose si Neil kay Angel noong June 29, 2019