
Sinorpresa ni Ultimate Star Jennylyn Mercado ang kanyang asawa na si Dennis Trillo, na nagdiwang ng kanyang ika-44 na kaarawan kahapon, May 12, habang nasa pictorial ng bago nilang serye na Sanggang Dikit FR ngayong araw, May 13.
Kahit nasa trabaho, nanguna si Jennylyn Mercado sa pagbati kay Dennis Trillo kasama ang Sanggang Dikit FR team.
Habang nag-shu-shoot ang aktor ng content para sa digital promos ng programa, umeksena si Jennylyn na may dalang cake. Short but sweet naman ang mensahe ng aktres sa kanyang mister na nakatangggap din ng matamis na halik mula sa kanyang misis.
Nagulat naman si Dennis sa sorpresa ni Jen at ng staff and crew ng bagong pagbibidahan nilang action series.
Samantala, ipagdiriwang naman ni Jennylyn ang kanyang ika-38 kaarawan sa May 15.
Mapapanood ang Sanggang Dikit FR simula Hunyo sa GMA Prime.
Mula ito sa direksyon ni LA Madridejos at sa produksyon ng GMA Entertainment Group.
RELATED CONTENT: Photos that prove Jennylyn Mercado and Dennis Trillo are meant for each other