Hindi lang sa kanyang music career winner si 'The Clash' Season 1 grand champion Golden Cañedo, kundi sa kanya ring love life.
Sa katunayan, magdadalawang taon na ang kanyang relasyon kay Martin Raval sa Agosto 2021.
Sa Amerika naka-base si Martin pero pinatunayan nila ni Golden na hindi hadlang ang distansya sa kanilang pag-iibigan.
Sa isang eksklusibong panayam ng GMANetwork.com, ibinahagi ng singer, "Mahirap, siyempre, pero ginagawan po namin ng way para ma-feel pa rin namin 'yung love kahit na it's just text or video call lang po.
"If mahal mo 'yung isang tao mapi-feel mo siya through your heart kahit wala siya sa tabi mo kasi kung mahal mo, hihintayin mo na magkasama kayo."
Matagal na palang tagahanga ni Golden si Martin. Noong 2017 unang nag-message ang binata kay Golden sa social media account nito ngunit hindi ito napapansin ng Kapuso star.
Hanggang sa nagkaroon ng concert ang 'Studio 7,' kung saan kabilang si Golden, sa New York noong 2019.
Hindi na pinalampas ni Martin ang pagkakataong iyon para ma-meet nang personal si Golden at doon na nga nagsimula ang mga palitan nila ng messages sa Instagram.
Tingnan ang sweet photos nina Golden at Martin dito:
Opisyal na naging magkasintahan sina Golden Cañedo at Martin Raval noong August 14, 2019, tatlong buwan matapos ang 'Studio 7' Musikalye concert sa Brooklyn.
Magkalayo man, nakuha pa rin nina Golden at Martin na sorpresahin ang isa't isa sa kanilang first anniversary.
Pagta-travel ang hilig gawin nina Golden at Martin. Isa sa kanilang overseas trip ang United Kingdom kung saan binisita nila ang ilang tourist spots doon gaya ng Victoria Memorial.
Sinusulit nina Golden at Martin ang mga panahong sila ay magkasama.
Sa isang Instagram post, sabi ni Martin, "Wishing to visit more places around the world with you in the future."
Bukod sa London, nagbakasyon din sina Golden at Martin sa San Francisco, California.
Habang nasa Amerika, hindi pinalampas nina Golden at Martin na kumain sa sikat na burger joint doon na In-N-Out Burger.
Binisita nina Golden at Martin ang Tagaytay, kung saan tanaw ang Bulkang Taal, nang umuwi ang huli ng Pilipinas.
Sa larawang ito, makikitang namamahagi ng relief goods sina Golden at Martin sa mga naapektuhan ng pagsabok ng Bulkang Taal noong Enero. Power couple talaga ang dalawa!
Stay in love, lovebirds!
Tinawag ni Martin si Golden na "my forever love" sa kanyang Valentine's Day post para sa Kapuso singer.
Sa kanilang 17th monthsary, pinagawa ni Golden ang cute na reversible sequin pillow na ito.
Sa kanyang mga caption pa lang sa Instagram, masasabing head over heels in love si Martin kay Golden. Sulat niya sa post na ito noong 18th birthday ng huli: "On this day, the girl that I love so much was born. And I'm forever thankful for her."