Habang tumatagal, mas nagiging bukas na ang mga artista sa non-traditional na paraan para makahanap ng partner.
Sa episode ng "Bawal Judgmental" sa 'Eat Bulaga' kamakailan, ikinuwento ng non-showbiz girlfriend ni Carlos Agassi, si Sarina Yamamoto, na nakilala niya ang aktor sa isang online dating app.
Kuwento niya, "Akala ko talaga noong una poser yung account niya, so nag-swipe right ako para ma-confirm kung legit talaga 'yung account niya tapos ayun legit naman. Lumipat kami sa Instagram and [nakita ko na] verified 'yung account niya."
Dagdag naman ni Carlos, agad nilang binura ang kani-kanilang profile sa dating apps mula nang magkita sila nang personal.
Aniya,"Nung nakita ko siya [Sarina] sabi ko 'Wow ang ganda niya' tapos when we started talking ang bait niya and then 'yun parang love at first sight."
Bukod kay Carlos, kilalanin pa ang ibang celebrities na nakilala ang kanilang partner sa online dating apps sa gallery na ito.
Dalawang taon nang in-a-relationship ang aktor na si Carlos Agassi sa kanyang non-showbiz girlfriend na si Sarina Yamamoto.
Nang mag-guest si Serina sa 'Bawal Judgmental' segment ng 'Eat Bulaga,' ikinuwento niya na sa isang dating app sila nagkakilala ni Carlo.
Aniya, "Akala ko talaga noong una poser yung account niya, so nag-swipe right ako para ma-confirm kung legit talaga 'yung account niya tapos ayun legit naman. Lumipat kami sa Instagram and [nakita ko na] verified 'yung account niya."
Nang maging opisyal na ang relasyon nina Carlo at Serina ay binura na nila ang kani-kanilang account sa dating app.
Nagpakasal ang singer-songwriter at DJ na si Guji Lorenzana kay Cheska Nolasco noong February 2016.
Sa isang panayam, inamin ni Guji na nakilala niya si Cheska sa online dating app na Tinder, na bago pa lamang noon sa Pilipinas.
Ngayon, may dalawang babaeng anak na sina Guji at Cheska, sina Cassidy at Brielle.
Nagpakasal ang dating aktres na si Michelle Madrigal kay Troy Woolfolk noong April 2019.
Nakilala ni Michelle si Troy sa online dating app na Tinder noong 2016. Makalipas ang isang taon, nanganak si Michelle sa kanilang anak na si Anika.
Subalit, matapos ang ilang taong pagsasama, naghiwalay na sina Michelle at Troy.
Engaged na ang dating child actress na si Serena Dalrymple sa kanyang French partner na si Thomas Bredillet at ikakasal na sila ngayong taon.
Sa isang post sa Instagram, inamin ni Serena na sa dating app na Bumble sila nagkakilala ni Thomas. Aniya, "I went out on a date to meet this French dude I matched on bumble. Who knew that I'll end up marrying this handsome smart sweet (now) American dude this year?"