Sino nga ba ang lalaking nagpapatibok sa puso ni Kapuso actress Ashley Ortega?
Noong May 21, isa sa mga choices sa "Bawal Judgmental" segment ng 'Eat Bulaga' ang boyfriend ni Ashley na si Mark Arcala.
Sa panayam ng dabarkads, ibinahagi ni Mark na kapapanalo lamang niya bilang mayor ng Lucena City sa katatapos lang na eleksiyon.
Mas kilalanin pa ang boyfriend ni Ashley Ortega at mayor ng Lucena City na si Mark Alcala sa gallery na ito:
Si Mark Don Victor Alcala o mas kilala bilang Kuya Mark ng kanyang mga kababayan ang bagong mayor ng Lucena City.
Opisyal na prinoklama bilang mayor ng Lucena City si Mark Alcala noong May 10, 2022.
Noong February 23, 2022, ipinagdiwang ni Mark Alcala ang kanyang ika-26 kaarawan.
Bago maging mayor ng Lucena City, nagsilbi rin bilang "Youth Ambassador" si Mark Alcala sa ilalim ng Local Youth Development Council.
Si Mark Alcala ang panganay na anak ng ngayo'y vice mayor ng Lucena City na si Roderick Alcala.
Mayroong dalawang kapatid na babae si Mark Alcala, sina Graciel Alcala at Donne Marie Alcala.
Nakapagtapos ng Business Management sa De La Salle University si Mark Alcala.
Bukod sa pagiging isang public servant, dati ring student athlete si Mark Alcala. Isa siya sa basketball player ng Green Archers sa De La Salle University.
Sa panayam sa "Bawal Judgmental" segment ng 'Eat Bulaga,' sinabi ni Mark Alcala na palagi silang nakasuporta ni Ashley Ortega sa isa't isa. Aniya, "So kami naman nagsusuportahan lang, kahit hindi kami nagkikita, kasi nasa province ako, nandito siya."
Ayon kay Ashley Ortega, nagkakilala sila ni Mark Alcala sa pamamagitan ng non-showbiz best friend niya.