Mahigit siyam na taon na ngayon ang love story ng Kapuso couple na sina EA Guzman at Shaira Diaz.
Ayon kay Shaira, una silang nagkakilala ni EA sa isang talent search na sinalihan niya noon kung saan naka-partner niya sa sayaw ang aktor.
Habang nasa mall show ng talent search na ito, dito nasabi ng aktor, "Dito ako naniwala sa mga pelikula. Nangyayari pala talaga 'yun, kapag nakita mo 'yung tao tapos bigla kang [mapapalingon]. Habang bumababa siya [ng stage], sinabi ko sa sarili ko, 'Okey pala siya, maganda pala siya.'"
Dito na rin kinuha ni EA ang number ni Shaira mula sa best friend ng aktres, na siyang simula nang relasyon na mayroon sila ngayon.
TINGNAN ANG SWEETEST MOMENTS NINA EA GUZMAN AT SHAIRA DIAZ DITO:
Talaga namang #RelationshipGoals ang mayroon ngayon sina EA Guzman at Shaira Diaz.
Sa mahigit siyam na taong relasyon, iba't ibang bansa na rin ang narating nang magkasama nina EA Guzman at Shaira Diaz.
Noong May 2022, nagbakasyon sina EA Guzman at Shaira Diaz sa United States, matapos ang taping ng aktres para sa action-adventure series na 'Lolong.'
Ilan pa sa mga lugar na binisita nina EA Guzman at Shaira Diaz nang magkasama ay ang New York, Florida, California, at Virginia.
"I (heart) U," caption ni EA Guzman sa sweet photo nila ni Shaira sa Fabrika Villas sa Pampanga.
In May 2022, Shaira Diaz received a "cheesy" birthday message from EA Guzman. He wrote, "Happy birthday sa Miss Universe ng buhay ko."
Ayon kay EA Guzman, isa ang larawan na ito sa mga paborito niya kasama si Shaira Diaz.
"Making pa-baby sa Araw ng mga Puso. Happy Valentine's Day sa pumapana ng puso ko araw-araw," caption ni EA Guzman.
Ayon kay Shaira, isa sa nagustuhan niya kay EA Guzman noong nililigawan pa lamang siya ng aktor ay ang pagiging "sobrang palagi s'yang mabango. Parang alam mo 'yun kapag magkasama kami 'yung scent n'ya naiiwan sa akin. So parang, 'Ay, naaalala ko s'ya palagi.'"
"The girl is mine," nakakakilig na caption ni EA Guzman sa larawan nila ni Shaira Diaz.
"My Lover," sweet na caption naman ni Shaira Diaz sa larawan nila ni EA Guzman sa naganap na GMA Thanksgiving Gala noong July 2022.