#ThrowbackThursday: Paano niligawan ni Mark Zambrano si Aicelle Santos?
May hatid na kilig ang throwback photo ng news reporter Mark Zambrano noong nanliligaw pa lang siya sa tinaguriang Traffic Diva ng Eat Bulaga na si Aicelle Santos.
Sa post ni Mark sa Instagram, hindi raw niya alintana ang init ng araw at traffic makuha lamang ang matamis na 'oo' ni Aicelle.
“3 years ago nanliligaw at nanunuyo lang ako sa gitna ng traffic. And soon you will be Mrs. Zambrano! Time flies when God is in the driver's seat. Mahal na mahal kita @aicellesantos”
Nakatakdang ikasal si Aicelle kay Mark ngayong taon.
Sa nakaraang panayam sa 24 Oras, ibinahagi ng Kapuso singer ang ilang detalye ng kaniyang 'simple' wedding.
Aniya, “Actually the whole wedding is simple… Mark and I, kilala mo naman kami, napakasimple naming tao. We want to make sure the food is good kasi mahilig kaming kumain. Gusto ko lang mag-enjoy lahat ng pamilya at kaibigan namin.”