LOOK: Gwen Zamora and David Semerad are now engaged!

Masayang ibinalita ni Gwen Zamora sa Instagram na engaged na sila ng kanyang cager boyfriend na si David Semerad.

Nag-propose si David kagabi, May 10, sa Mr. A's Bar sa Pasay City kung saan ginanap ang gender reveal party para sa kanilang first baby na papangalanan nilang Cooper John.

Sa kanyang post ngayong araw, May 11, ibinahagi ni Gwen na hindi raw niya makakalimutan ang araw na iyon dahil sa mga magagandang pangyayari.

"Last night was not only amazing because of the news that we are having a baby boy but @djsemerad topped it off with the sweetest and most heart felt proposal! May 10, you shall forever have a special place in my heart," sulat niya sa caption.

Dugtong pa ni Gwen, "@djsemerad thank you so much for all the love you give. I am ecstatic for level up in life we are embarking on a baby. I love you as big as the sky!"

Una nang nagpahiwatig ng pagpapakasal ang soon-to-be-parents noong sinagot nila ang isang komento ng isang netizen sa kanilang nearly-naked photo.

Kinuwestiyon kasi ng naturang netizen na may Instagram handle na @almaponce51 kung bakit nag-post sila ng ganitong larawan kahit hindi pa sila ganap na mag-asawa.

Matatandaang unang na-engage si Gwen sa kanyang dating boyfriend na si Jeremy Marquez.