EXCLUSIVE: Joyce Pring on love story with Juancho Trivino: 'Para siyang serye sa GMA.'
Malapit nang ikasal ang Unang Hirit tambalan na sina Juancho Trivino at Joyce Pring!
Kaya naman sa eksklusibong panayam ng GMANetwork.com, ikinuwento ng dalawang Kapuso talents ang kani-kanilang nararamdaman ngayong palapit na ng palapit ang araw ng kanilang kasal.
Ani Joyce, “Sobrang stressful to plan a wedding but we're really blessed to have a lot of great suppliers that I'm really, really thankful for and our wedding organizers are amazing.”
Inamin ng Kapuso host na mas lalo raw naging hectic ang kanilang paghahanda dahil kailangan nilang baguhin ang venue ng kanilang kasal sanhi ng pagsabog ng bulkang Taal kamakailan.
“Last minute preparations ang mga damit ng entourage.
“We [also] have to transfer a lot of people because we were supposed to have our wedding in Tagaytay but we had to transfer here in Manila.
“So, ang daming last minute things that we had to fix, pero thank God okay lang naman ang lahat.”
Paliwanag pa ni Juancho, 'di raw nila kayang palitan ang wedding date dahil marami-rami raw silang miyembro ng pamilya at mga kaibigan na lilipad patungong Pilipinas.
“Marami kaming friends and family that flew in kasi. So, if we change the date medyo hassle.”
IN PHOTOS: How Juancho Trivino and Joyce Pring's love story started
Maliban sa kanilang suppliers at pamilya, malaki rin ang pasasalamat nina Juancho at Joyce sa suporta ng kanilang mga tagahanga.
“It still feels surreal,” ani Joyce.
“Parang when you get in a relationship you wouldn't think that a lot of people would get involved with it.
“Parang sobrang taong involved, people we don't know who obviously watch the show.
“It's surreal but also I feel like it's a big responsibility for me na kailangan ayusin namin 'yung relationship 'cause people are rooting for us and we really take importance in that.”
Inihalintulad naman ni Juancho ang kanilang love story bilang isang teleserye sa Kapuso Network.
“Ang feeling ko naman dun [sa relationship namin] is a real-life movie that actually happened. Para siyang serye sa GMA.
“Simula sa umpisa, di ba? So, it is surreal and it's a cool feeling," pagtapos ni Juancho.