Miriam Quiambao shares 'social distance date night' with husband

Ibinahagi ni beauty queen-actress Miriam Quiambao-Roberto na nakabalik na ang asawa niyang author at entrepreneur na si Ardy Roberto mula sa Maui Island sa Hawaii nitong Biyernes, April 10.

Aniya, bilang pagsunod sa health protocol para makaiwas sa pagkahawa sa coronavirus disease, kasalukuyang nasa self-isolation ang asawa magmula nang makabalik sa Pilipinas.

Ipinahayag niya ito kasabay ng ibinahagi niyang “social distance date night nila sa gitna ng coronavirus outbreak.

“SOCIAL DISTANCE DATE NIGHT. I'm so happy that finally @ardyroberto is back home from his 2 week teaching then extended lockdown in Maui.

“He arrived last Saturday and currently on his 6th day of quarantine at a room in the ground floor that is separate from the rest of the house.

“Just because he's on quarantine, it doesn't mean that we're skipping date night! So here we are at our garage, socially distancing on separate tables but enjoying dinner together,” aniya.

Samantala, dahil kasalukuyang nakataas ang enhanced community quarantine sa Luzon, itinutuon ni 1999 Miss Universe Philippines ang atensyon sa pag-aalaga sa kanyang pamilya.

Hindi rin siya nakaligtas sa Tiktok craze dahil mayroon na siyang dance entry dito.

Nitong March 25 ay ipinagdiwang nina Miriam at Ardy ang kanilang sixth anniversary kasama ang one-year old baby nilang si Elijah at si Joshua, na anak ni Roberto sa dating asawa.

Isinilang ng dating beauty queen ang una niyang baby sa edad na 43.