Ryza Cenon thanks partner for serving as her emotional support during pregnancy

Hindi napigilan ni Ryza Cenon na i-flex ang kanyang partner na si Miguel Antonio Cruz sa Instagram ngayong buntis siya sa kanilang anak.

Ayon sa aktres, malaki ang hanga niya kay Miguel dahil sa haba ng pasensya at suportang ibinibigay sa kanya.

Lahad niya, “Flex ko lang ang katabi ko. Dada, thank you for everything. Sa mahabang pasensya sa mood ko, sa support mo sa akin, and lalo na sa love na ibinibigay mo sa amin ni baby boy.

“We're lucky to have you. Super responsible mo sa lahat. Kahit napakabusy mo sa work, lagi kang andyan para sa amin.

“Thank you so much. We love you, dada! @miguel.antonio.cruz.”

Unang ibinalita ng former Ika-6 Na Utos star na nagdadalantao siya noong July 1, 2020.

Kamakailan ay ipinakita niya ang latest sonogram ng kanyang anak at ramdam na ramdam ang kanyang tuwa nang makita ang mukha nito.

Saad ni Ryza, “Bored ka na sa loob baby boy? Konting tiis na lang ha. 'Wag mong kainin paa mo, okay?

“Excited na kami makita ka. Thank you for effortlessly bringing laughter and joy to us.”

Ang ama ng kanyang anak na si Miguel Antonio Cruz ay isang cinematographer ng ilang Metro Manila Film Festival projects tulad ng “Mission Unstapabol: The Don Identity,” “My Little Bossings,” at “Enteng Kabisote 10 and the Abangers.”