Heart Evangelista, ibinuko ang pagseselos ng asawang si Chiz Escudero
Around GMA
Around GMA
Errol 'Budoy' Marabiles, of Junior Kilat fame, passes away Miss Grand International announces first-ever 'all stars' edition School in Kalibo, Aklan receives bomb threatArticle Inside Page
Showbiz News
Heart Evangelista sa pagde-deny ni Chiz Escudero na nagseselos siya: “Biggest lie ever!!!” Alamin kung paano nabuko ni Heart si Chiz, DITO:
Ang I Left My Heart in Sorsogon star na si Heart Evangelista at asawang si Sorsogon Governor Francis “Chiz” Escudero ay nag-guest kamakailan sa vlog ng kilalang TV host at broadcast journalist na si Karen Davila.
Sa nasabing vlog, ipinasilip ng mag-asawa ang pagluluto ni Chiz ng fried rice at pinag-usapan din nila ang buhay mag-asawa ng power couple.
Sa isang parte ng vlog, tinanong ni Karen si Chiz, “Nagseselos ka pa ba, sa totoo lang, with any of Heart's exes?”
Agad nag-react si Heart at pabulong na sinambit ang “yes,” at natawa naman si Chiz dahil dito bago siya sumagot.
Ani ni Chiz, “I don't think so.”
Tumawa nang malakas si Heart at sinabing, “The biggest lie ever!!!”
'Tsaka binuko ng Kapuso star kung paano niya nalamang nagseselos pa rin si Chiz sa kanyang mga dating nakarelasyon.
Chiz Escudero at Heart Evangelista kasama si Karen Davila / Source: Karen Davila (YouTube)
“Check his phone. Look at his YouTube. Look at the history. Or his smart TV.
“Nakakaloka. Sabi ko, 'Bakit ito 'yung nagpa-pop-up?' 'Di ba 'yung algorithm, 'di ba?
“Sabi niya, 'Ewan ko ba.' Tapos sabi, 'Hindi ko naman pinanood 'yan.'
“'Darling, may red line all the way to the end. 'Yung buong 15-minute interview, pinanood mo.'
“Tapos tawa lang siya nang tawa.”
Paliwanag naman ni Chiz, “But the motivation is not jealousy. it's curiosity.”
Napag-usapan din ang pangagaliwa sa nasabing vlog. Ayon kay Chiz, dealbreaker daw para sa kanya ang cheating. Samantalang si Heart naman ay handa raw patawarin si Chiz kung saka-sakaling mahuhuli niya itong nangangaliwa.
“Because I love him. I don't love him as a lover. I love him also as a friend,” ani Heart. “Ibig sabihin like what… 'So you, guys, are gonna have your happy ending? No. I'm gonna stay with you until the end.'”
Ibinuko rin ni Heart sa kanilang interview na nagiging seloso o “sensitive” lately ang kanyang asawa.
Ayon naman kay Chiz, 'yun ay dahil nagkalayo sila ng tatlong buwan ni Heart.
Matatandaang nag-lock in taping si Heart para sa I Left My Heart in Sorsogon bago lumipad ng U.S. para umattend sa isang event ng Vogue 100, makipag-meet sa Bling Empire star na si Kane Lim, at gumawa ng art collaboration kasama ang Incubus vocalist na si Brandon Boyd.
Tingnan ang mga stylish OOTDs ni Heart Evangelista sa kanyang New York City trip kamakailan sa gallery na ito.
