Bea Alonzo, nais subukan ang paragliding a la Yoon Se-ri ng 'Crash Landing On You'

Sinagoto ni Bea Alonzo na kanyang birthday blog na "#AskBea" ang tanong ng kaniyang boyfriend na si Dominic Roque tungkol sa Top 3 sa bucket list ng aktres na gusto niyang gawin o puntahan kasama siya.

”Bucket list that I'd love to do with you is, of course, to go to Switzerland with you," kinikilig na sagot ni Bea.

"And second siguro, mag-road trip pero naka-motor naman somewhere in Europe din, sana Italy ganyan." dagdag pa niya.

Gusto raw i-peg ng aktres ang character ni Yoon Se-ri sa 2020 hit Korean series na Crash Landing On You.

"Recently kasi, ginawa niya 'yung paragliding pero sobrang, ano, parang nerve-racking. Medyo takot ako sa mga ganyan but it's in my bucket list, so I'd love to do that with you soon.

“Parang feeling ano 'ko, Se-ri, Crash Landing On You.” masayang sinabi ng aktres.

Nagpasalamat naman si Bea kay Dominic at sinabing marami pa siyang gustong gawin kasama ito.

“Hon, thank you for the question. I love you. I can't wait to be in paradise with you soon at the beach.

"Syempre, maraming-marami pang bagay 'yung gusto kong gawin with you like growing old…” natutuwang sinabi ng aktres.

Kamakailan lang ay nagbakasyon sa California ang dalawa bago nila isinapubliko ang kanilang relasyon.

Panoorin ang birthday vlog na ito ni Bea, dito:

Samantala, silipin ilang sweet moments nina Bea Alonzo at Dominic Roque sa gallery na ito: