Gladys Reyes pens sweet birthday message for husband Christopher Roxas

Simple, pero punong-puno ng pagmamahal ang birthday greeting ng versatile actress na si Gladys Reyes para sa mister na si Christopher Roxas.

Sa Instagram post ng Pepito Manaloto: Ang Unang Kuwento star ngayong March 21, sinabi ni Gladys na ipinagpapasalamat niya sa Diyos na kapiling niya ang asawa.

Sabi niya, “Happy birthday Mr. Chef Sommereux (So-me-ru) Being in love with you bebe for 3 decades now, always grateful to God for YOU.”

“Enjoy your 44th!” dagdag pa niya.

Sunod-sunod din ang pagbati ng mga kaibigan sa showbiz ni Christopher kabilang sina Eat Bulaga host Ryan Agoncillo at multi-awarded comedienne na si Manilyn Reynes.

Ikinasal sina Gladys at Christopher taong 2004 at nabiyayaan ng apat na anak na sina Aquisha, Gavin Cale, Cristophe, at Grant.

MA-INSPIRE SA SWEET RELATIONSHIP NINA GLADYS AT CHRISTOPHER SA GALLERY NA ITO: