Summer na! Kaya naman pupunta ang ilang Kapuso stars sa iba't ibang lugar para magbakasyon. Alamin kung saan sila pupunta sa gallery na ito.
Sa nalalapit na pagtatapos ng 'TODA One I Love,' excited na ang Chinito heartthrob na si David Licauco na magbakasyon.
Pupunta si David sa America para magkaroon ng quality time kasama ang kaniyang pamilya.
Hindi na rin makapag-intay si Kapuso "Millennial It Girl" Gabbi Garcia na mag-beach.
Magbabakasyon si Gabbi sa Bohol para makita ang mga beach doon at mag-dive.
Bitin naman sa kaniyang Japan vacation noon si Juancho Trivino kaya babalik siya sa 'Land of the Rising Sun' ngayong summer.
Kuwento ni Juancho, pangako niya na susulitin na niya ang bakasyon ngayon dahil napaaga ang kaniyang uwi noon dahil sa trabaho.
Pupunta din sa Japan ang 'Kara Mia' stars at real life couple na sina Barbie Forteza at Jak Roberto. Makakasama pa nila ang nakababatang kapatid ni Jak na si Sanya Lopez.
Ayon kay Sanya, excited na siya na mag-food trip sa Japan.
Todo-todo naman pag-e-exercise ni Kapuso actress Kris Bernal dahil alam niyang kakain siya ng marami 'pagnagbakasyon siya.
Japan ang destinasyon ni Kris ngayong summer.
Biyaheng America si Kapuso hunk Derrick Monasterio ngayong summer.
Pupuntang New York si Derrick kasama ang kaniyang pamilya para magbakasyon.
Ready naman na ang katawan ni 'Kara Mia' star Paul Salas dahil balak niyang mag-beach ngayong summer.
Kung may pagkakataon, balak bumalik si Paul sa Boracay dahil sobrang nami-miss na niya raw ito.
May balak naman pumunta si Mika Dela Cruz sa Siargao ngayong summer.
Sinabi ni Mika na Siargao ang kaniyang favorite summer destination dahil sa ganda nito.
Dahil busy sa 'Inagaw na Bituin,' pinagdadasal ni Manolo Pedrosa na makapunta sa beach ngayong summer.
Aminado si Manolo na wala siyang masyadong time kaya naman sa Batangas lang siya magbabakasyon.