Dream come true para kay Kris Bernal ang makapunta sa isang film location ng sikat na South Korean series na 'Crash Landing On You.'
Hindi pinalagpas ni Kris at ng kanyang asawang si Perry Choi na mabisita ang Lake Brienz sa Switzerland habang nasa honeymoon.
Kwento ni Kris, wala sa orihinal na plano nila ang pumunta ng Switzerland. Pero dahil hindi na sila makakapunta ng London, dahil sa late arrival ng kanilang UK Visa, pinalit na lang nila sa kanilang Europe trip itinerary ang Switzerland.
Sulit naman ang naging desisyon ng bagong mag-asawa dahil natupad ni Kris ang kanyang pangarap na makapagpakuha ng litrato sa Lake Brienz, isa sa mga iconic film location ng hit K-drama, na matatagpuan sa Swiss village at municipality na Iseltwald.
Ito ang parehong lawa kung saan kinunan ang eksena ni Captain Ri Jeong-hyeok (Hyun Bin) na nagpapatugtog ng piyano at cruising scene ni Yoon Se-ri (Son Ye-jin) sa 'Crash Landing on You.'
Ani Kris, tatlong beses silang pumila ng kanyang mister para makapag-picture dito at worth it naman ang kanilang experience dahil sa magandang tanawin doon.
Tingnan ang kanilang larawan sa Lake Brienz:
Nag-ala Yoon Se-ri (Son Ye-jin) at Captain Ri Jeong-hyeok (Hyun Bin) sina Kris Bernal at Perry Choi sa kanilang mga larawan sa Lake Brienz sa Switzerland.
"Crash 'LANDI' on you..But husband, not landi.." nakakatawang sulat ni Kris sa kanyang post.
Kanya-kanyang awra at Lake Brienz!
Sino ba naman ang hindi mabibighani sa perfect turquoise water ng Lake Brienz?
Bonus ang magandang panahon nang bumisita sila sa Lake Brienz.
Pumila ng tatlong beses si Kris para makagpag-picture dito kaya sinulit na nila ang pagpunta.
Hindi man nayakap ni Kris si Hyun Bin sa personal, meron naman siyang sariling Captain Ri sa katauhan ng kanyang asawa.