Parami ng parami ang mga celebrities na nag-e-enjoy ngayon sa pagka-camping.
Ang camping ay ginagawa ng ilang celebrity couples at families bilang kanilang out-of-town bonding at nature trip. Ilan sa mga couples at families na sumabak sa camping ay sina Gabbi Garcia at Khalil Ramos, Iya Villania at Drew Arellano, Sarah Lahbati at Richard Gutierrez, at marami pang iba.
Silipin ang kanilang mga masayang camping trips, bonding moments, at must-visit camping sites dito:
Isa sa mga kilalang celebrity couples na nag-camping with their kids ay sina Drew Arellano at Iya Villania.
Kitang-kita ang tuwa ng mga anak nina Drew at Iya na sina Primo, Leon, at Alana sa kanilang highly-recommended outdoor family bonding.
Nag-camping naman sa Tanay, Rizal ang celebrity couple na sina Bea Alonzo at Dominic Roque.
Nakasama rin nina Bea at Dominic ang kanilang mga kaibigan para sa masayang camping activities.
Ang Kapuso couple na sina Gabbi Garcia at Khalil Ramos ay ipinakita na puwedeng date activity ang pagka-camping.
Sa kanilang post ay ipinakita nila ang sweet moment nila sa camping date sa Rizal.
Tinupad naman ni dating senador na si Francis Pangilinan ang pangako na maka-bonding ang anak na si Miguel sa isang camping trip.
Saad niya sa Instagram post, isang father-and-son moment ang kaniyang handog para sa anak.
"I promised our only son, Miguel, that I would take him with me to a camper, father and son bonding trip after the elections. We had visited so many places for the first time together during the campaign but never got the chance to stay long enough to enjoy the sights. He worked so hard and campaigned with so much passion. So now as a 'reward' for his hard work, we have gone around incognito for some bonding time, enjoying the beach and local sites."
Isa sa mga kilalang celebrity couples na mahilig sa outdoor activities ay sina Sarah Lahbati at Richard Gutierrez.
Sa kanilang camping adventures ay lagi nilang kasama ang mga anak na sina Zion at Kai.
Nature trip ang isa sa recent activities nina Catriona Gray at Sam Milby.
Sinamahan pa sina Catriona at Sam ng kanilang fur babies sa camping sa Calamba, Laguna.
Nag-birthday camping naman si Neri Miranda kasama ang asawa na si Chito Miranda at anak na si Miggy noong 2018.
Pinili nilang pamilya na mag-nature trip sa 33rd birthday celebration ni Neri.