Iba-iba ang paraan ng mga Pinoy para gunitain ang Semana Santa; ang iba, nagbi-visita iglesia, samantalang ang iba, nanatili lang sa bahay para magnilay-nilay. Ngunit isa sa madalas na gawin tuwing Holy Week ay gamitin ang long weekend para magbakasyon, katulad na lang nina Bianca Manalo at Senador Sherwin Gatchalian na nagpunta sa Japan.
Nag-post si Bianca ng ilang photos at videos nila ni Sherwin sa kaniyang Instagram account ng kanilang adventures sa Land of the Rising Sun.
Tingnan sa gallery na ito kung ano-ano ang mga ginawa nina Bianca at Sherwin sa kanilang bakasyon:
Bilang isang coffee lover na nasa bansang malamig at may snow, hindi mawawala ang kape para kay Bianca Manalo. Ang kaniyang choice? Decaf coffee.
Of course, hindi mawawala ang coffee hirit ng Binibining Pilipinas Universe 2009. Caption niya sa post, "Ano ba mas mapait, Deccaffenili o Deccaffinaglaban?"
Dahil maulan umano sa Tokyo, nag-post ng short video si Bianca Manalo ng kaniyang rainy day outfit.
Isa sa mga pinakakilalang pinupuntahan sa Japan ay ang Mt. Fuji kaya naman kasamai ito sa mga pupuntahan nina Bianca Manalo at Sherwin Gatchalian. Catpion ng actress sa kaniyang post, "Going to Mt. Fuji today. Cloudy with a chance of 100% rain. "
Isa sa mga unang ginawa nina Bianca Manalo at Sen Win Gatchalian sa Japan ay kumain at uminom sa isang Izakaya, na ayon sa aktres, ay first-time masusubukan ni Sherwin.
Kumain rin sila ng mainit na ramen, na tamang-tama sa maulan na gabi, ayon kay Bianca Manalo.
Kahit pa umuulan ay hindi rin nagpatinag sina Bianca Manalo at Sherwin Gatchalian na gumala at mag-ikot sa Japan. Ani ng aktres, "Can't rain on our parade."
Tila hindi natitinag ang dating beauty queen sa lamig dahil kahit umuulan, iced decaf coffee pa rin ang ininom niya.
Tunay na lovebirds sina Bianca Manalo at Sherwin Gatchalian sa Japan ngayong Semana Santa.