Alexie Brooks, masaya sa relationship nila ng kanyang girlfriend
Photo Inside Page
Photos
Hindi maipagkakaila ni Miss Eco International Alexie Brooks ang kanyang saya nang ibahagi niya ang tungkol sa almost one year relationship sa kanyang girlfriend.
Sa “Ask Boy Abunda” segment ng Cayetano in Action with Boy Abunda June 1 episode, kinamusta ng King of Talk na si Boy Abunda ang naturang beauty queen sa lagay ng puso nito ngayon.
Ani Alexie, hindi naman niya napapabayaan ang kaniyang puso at sa katunayan ay masaya ito ngayon. Pagbabahagi pa ng beauty queen ay halos mag-iisang taon na silang magkarelasyon ng kanyang partner.
Tanong ni Boy, “How important is this man to your concept of happiness?”
Ngunit ang sagot ni Alexie, “I'll rephrase [the question]. The woman,” bago tuluyang sinagot ang tanong ng batikang host.
“Very important, Tito. I realized it when my grandma passed away and she was there and that was the first time I caught myself down on the floor and she helped me get up from the floor. I didn't eat in a few days, she did not eat in a few days,” sabi ni Alexie.
Dagdag pa niya, ang gesture na ito ng kanyang partner ngayon ang nagpakita at nagpatunay sa kanya kung gaano siya inaalagaan at minamahal nito.
“I'm grateful everyday na she's there to make me happy and supporting me in the dreams that I want,” pagtatapos ni Alexie.
Sa huli ay nag-iwan lang si Boy ng mensahe para kay Alexie, “As your Tito, I simply say, just love and be happy. And do not ever allow anybody again to steal that happiness. You deserve that.”
Sa May 21 episode ng Fast Talk with Boy Abunda, ibinahagi ni Alexie ang tungkol sa kanyang androgynous identity. Ang "androgyny" at isang gender expression kung saan nagsasama ang tradisyonal na masculine at feminine traits. Ito ay paraan ng ibang tao na i-express ang kanilang sarili na hindi saklaw ng kombensyonal na gender identities.
Panoorin ang panayam dito:
SAMANTALA, NARITO ANG ILANG INSPIRING CELEBRITY LGBTQIA+ COUPLES:
