Aly Borromeo, spotted sa birthday salubong ni KC Concepcion sa Amanpulo
Photo Inside Page
Photos
Spotted sa 40th birthday salubong ni KC Concepcion sa Amanpulo, Palawan ang dati nitong boyfriend na si Aly Borromeo. Ipinagdiwang ni KC ang kanyang 40th birthday noong April 7.
Noong Biyernes, April 18, ipinakita ni KC sa Instagram ang ilang photos at videos na kuha mula sa kanyang birthday salubong, kung saan nakasama niya ang mga kaibigan at maging si Aly.
Kuwento ni KC, nagsimula ang kanyang birthday salubong sa paglalaro ng tennis, kung saan nakuhanan din si Aly na naglalaro. At sinundan naman ito ng kanilang grilled wagyu at sushi dinner.
Dagdag pa ni KC, nagkaroon ng surprise birthday welcome sa kanya, na kinumpleto ng karaoke sa kanilang paboritong villa. Nagkaroon din sila ng biglaang golf cart race sa isla, kung saan makikita sila ni Aly na magkasama sa isang golf cart habang nakikipagkarera sa kanilang mga kaibigan.
Naging magkasintahan sina KC at Aly nang dalawang taon at naghiwalay noong 2018. Marami ang naiintriga kung nagkabalikan na nga ba ang dalawa tulad na lamang nang makita silang magkasama sa isang wedding event noong March 2025.
Nagkasama rin sina KC at Aly sa isang football event noong October 2024.
SAMANTALA, TINGNAN ANG ILANG CELEBRITY EX-COUPLES NA NAGKABALIKAN
