Heart Evangelista: 'God supplied me with people that would really be happy for me'
Photo Inside Page
Photos
Para kay aktres at international fashion influencer Heart Evangelista na pabalik-balik na sa Paris, France para umattend ng iba't ibang fashion shows ng mga bigating designers, hindi niya kailangan mamili between Paris and Manila.
Para sa Queen of Creative Collaborations na 15 taon nang Kapuso, kaya naman niyang pagsabayin ang commitments niya sa Pilipinas at ang engagements niya abroad.
"Not really. I think you can do both," sagot ng aktres sa kanyang GMANetwork.com interview na ginanap ilang minuto bago siya mag-renew ng kontrata sa Sparkle GMA Artist Center.
RELATED CONTENT: Heart Evangelista, Kapuso pa rin!
Malaki rin ang pasasalamat ni Heart sa Diyos dahil napapaligiran siya ng mga taong supportive at totoong gustong makita siya na magtagumpay sa kanyang mga nais tahakin sa kanyang career.
"You just really need to have a good balance. You can do anything you want but you have to be surrounded by people who will be supportive because if one of those people would give you fear or will feed on certain insecurities that you have, then you won't be able to do it dahil wala kang lakas ng loob.
"I feel like 'yun 'yung another thing that I'm thankful for. God has always supplied me with peope that really pushed me, that would really be happy for me and help me throughout this whole adventure."
Kaya naman sa tuwing nagbabalik-tanaw si Heart sa kanyang career, hindi siya nakararamdam ng anumang pagsisi dahil alam niya na nagawa niya ang mga pangarap niya nang walang sinasagasaan na tao.
"Actually I'm not really the type na nagsisisi ako, may gusto akong pilitin. Ako nga 'yung tipo ng tao na first sign na may something wrong, hindi ko na siya itutuloy kasi baka ayaw ni Lord no'n, baka may kapalit na masama."
Pero aminado si Heart na may mga bagay din siyang iniyakan in the past.
"So I never question anything although I cry about certain things when there's a shift or when there's a change. I cry because I'm very sentimental, but I never question because I know it's always for a good purpose. That's always been the pattern in my life.
May pangarap ba siyang ni-let go? Isa lang ang nasa isip ng dating I Left My Heart in Sorsogon star.
"Well I've always wanted to go to prom night," natatawang sagot ni Heart. "I was never able to go to prom night. But now I know there's a reason for everything because now I get to dress up every day for prom. So I'm okay."
Samantala, balikan ang OOTDs ni Heart Evangelista sa Paris Haute Couture Week 2023:
