Photo Inside Page
Photos
“It was a lot of hard work.”
Ito ang paglalarawan ng Smokey Mountain members na sina Jeffrey Hidalgo, Tony Lambino, at Geneva Cruz sa pamamaraan ng musical director, composer, at National Artist for Music na si Ryan Cayabyab (Mr. C), na siya ring bumuo ng grupo noong 1989.
Isa sa mga pinakakilalang music group ang Smokey Mountain noong '90s na binubuo nina Jeffrey, Tony, Geneva, Anna Fegi, James Coronel, Chedi Vergara, Shar Santos, at Jayson Angangan. Bukod kay Mr. C, naging executive producer din nila si Judd Berlin, at choreographer na si Douglas Nierras.
Sa Fast Talk with Boy Abunda nitong Miyerkules, October 9, inamin ng tatlo na hindi naging madali ang training nila sa ilalim ni Mr. C.
Kuwento pa ni Tony, “They really made us rehearse and rehearse and rehearse. Nu'ng nagtu-tour kami, kahit sa parking lot, nagre-rehearse kami, paulit-ulit.”
Ayon kay Geneva, ang pagsayaw at rehearse nila noon sa parking lot ay nangyari noong gawin nila nag Better World Tour nila sa Los Angeles, California. Kwento pa niya ay nagpunta rin sila sa Netherlands at London para sa tour.
“But we went to London also because during that time, big fans kami ng Miss Saigon,” pag-alala ni Geneva.
Dagdag pa ni Tony, “It was the time when both Lea [Salonga] and Monique [Wilson] played Kim for Miss Saigon and we knew all the words of the soundtrack, beginning to end.”
Dahil matagal nilang nakatrabaho si Ryan, marami ring natutunang mga aral ang tatlo mula sa kaniya.
Para kay Jeffrey, “I think one really great lesson na tinuro nila sa amin is love what you're doing because if you love what you're doing, it will never feel like work.”
Pag-amin ni Jeffrey Hidalgo, hanggang ngayon ay isinasabuhay pa rin niya ito kaya't nae-enjoy niya ang ginagawa ngayon.
Para naman kay Geneva, isang lesson na hindi niya malilimutan ay na merong oras para maglaro at magseryoso.
Paliwanag ng aktres, “Hindi pwedeng luluko-loko 'pag nagtatrabaho, parang ganu'n. But he allowed us to play as well.”
Isang bagay naman na hindi umano malilimutan ni Tony, “Palagi siyang (Ryan Cayabyab) maaga mag-submit ng areglo.”
Balikan ang ilang mga lumang larawan ng Smokey Mountain dito
