John Rendez says he felt unwelcome sa libing ni Nora Aunor
Photo Inside Page
Photos
Hindi umano naramdaman ng singer na si John Rendez na welcome siya sa burol at libing ng yumaong National Artist at Superstar na si Nora Aunor.
Sa panayam sa kaniya sa vlog ng batikang broadcaster na si Julius Babao noong Huwebes, May 22, ibinahagi ni John kung papaano niya hinaharap ang pagpanaw ni Nora.
“I'm moving on po, I'm trying to stay positive. Dealing with a loss of someone you love is never easy,” sabi niya.
Pagpapatuloy pa ng singer, “But after the grief comes like a liberating feeling once you find something you hold on to like the Lord. This has brought me closer to God, this has given me kind of a purpose to get my life in order and to get closer to God.”
Pagbabahagi ni John, kasama rin siya ni Nora noong pumanaw ito sa ospital, at inaming maging sila ay nagulat dito. Aniya, pagkatapos ng angioplasty procedure ng Superstar ay tila gumaganda na ang pakiramdam nito.
“I remember holding her hand, thinking 'This will be okay, its gonna be okay.' And she was crying, I was singing to her. I was holding her hand and she was crying, so she knew that it was not good. And then Imelda Papin came, they brought the kids with them, and they were able to be with her at the time,” pag-alala ni John.
Dagdag pa nito, “They started having a mass at the chapel, it was beautiful, it was like a chorus of the angels. They were singing 'Praise the Lord' and she was gone.”
BALIKAN ANG CELEBRITIES AT PERSONALITIES NA INALALA SI NORA SA GALLERY NA ITO:
Ibinahagi rin ni John na pumunta siya sa libing ni Nora ngunit sabi ng singer, “Kaso lang, parang feeling ko, hindi ako welcome, e. I don't know. When you walk into a room and people are looking at you like 'What's he doing here?' What do you think I'm doing here? I don't feel like I was welcome there, so I just stood outside with the fans.”
Inamin din ni John na lagi lang naman talaga siyang nasa sidelines at sinabing “Hindi naman po ako mapapel, hinahayaan ko lang sila. Nasaktan din ako, pero okay lang 'yan, naiintindihan ko sila.”
Sa ngayon, inamin ni John na naging malaking bahagi ang kaniyang pamilya para makayanan ang sakit at maka-move on sa nangyari.
“I have to focus on my grandson, may apo na ako e, 2 years old. I have to focus on my mom, may edad na rin si mommy ko. So after one mission, another mission na ako,” sabi niya.
Ipinahayag din niya ang pagmamahal niya sa mga anak ni Nora na sina Lotlot, Ian, Matet, Kiko, at Kenneth de Leon, at itinuturing umano niya ang mga ito bilang pamilya.
“In my heart, I'll always have love and compassion for them. I have never said nothing bad about them, and I never will because I have respect for the family,” pagtatapos ni John.
Samantala, tingnan ang gallery sa ibaba para makita ang ilan high points sa sikat na showbiz career ni Nora Aunor.
