Mike Tan, nabawi na ang nawalang cellphone
Photo Inside Page
Photos
Ilang oras matapos manawagan ni Kapuso actor Mike Tan na ibalik na ng nakakuha ang nawawala niyang cellphone ay nabawi na niya ito, sa tulong ng security ng mall kung saan ito nawala.
Matatandaan na nag-post si Mike sa kaniyang Instagram page nitong Linggo, May 25, ng isang CCTV footage kung saan makikitang naiwan niya ang naturang device sa isang restaurant. Makikita rin mula dito na may kumuha ng kaniyang phone, bago dali-daling lumabas ng establisyemento.
Ngayong Lunes, May 26, nagbigay ng update si Mike sa kaniyang Facebook page kung saan sinabi niyang nabawi na niya ang kaniyang phone, at tinaggal na ang naunang social media post.
“Great news: my phone was recovered today! I've taken down the original post which already served its purpose, as the mall security team was able to identify the lady when she returned to the same mall,” sulat ni Mike.
Pagpapatuloy niya, nireport din umano ng naturang restaurant ang babae dahil nagpapasok ito umano ng canned goods at iba pang pagkain galing sa labas at kinakain sa loob.
“Interestingly, the phone had over 247 photos, mostly taken in different restaurants. It didn't seem like she was ordering anything--just bringing her own food. In two separate places, she brought her own ice cream and a box of bread,” kwento ni Mike.
Pagbabahagi pa ng aktor, ayon sa rumispunde na pulis ay tila may mental health issue ang babae. Ite-turn over nila umano ito sa Department of Social Welfare and Development (DSWD) para makatanggap ng tamang pag-aalaga at suporta.
“Aside from the missing phone case, the device itself is intact. I don't believe she accessed any files--and most importantly, all my kids' photos and videos (which I hadn't backed up yet) are still there,” pagpapatuloy ni Mike.
Sa huli, ipinahayag ng Kapuso actor kung gaano siya nagpapasalamat sa lahat ng nagbigay ng suporta at tumulong sa kaniya mabawi ang kanyang cellphone.
SAMANTALA, BALIKAN ANG CELEBRITIES NA NINAKAWAN DIN SA GALLERY NA ITO:
