News
Picture ni John Feir sa maling kasal na pinuntahan, viral online
Photo Inside Page
Photos
Kinaaliwan nang husto sa Facebook ang nakakatawang experience ng Pepito Manaloto star na si John Feir na nagkamali ng date sa kasal na dapat ay sa Marso pa mangyayari.
Ibinahagi ng Sparkle award-winning actor na si Mikoy Morales ang nangyari sa kaniyang co-star sa sitcom na pumunta sa isang kasal sa Don Bosco, Makati nitong January 3, 2026.
Mali ang pagkakabasa ni John na nakalagay sa wedding invitation na ibinigay sa kaniya dahil ang date na January 3 ay dapat mag-RSVP ito kina Mikoy o fiancée niya na si Isa Garcia.
Source: Ikigai Studio (FB)
Hirit tuloy ni Mikoy sa Facebook, "NANANAWAGAN PO KAMI:
"Kung sinuman ang kinasal kaninang 4pm nang hapon sa Don Bosco, Makati - baka po pwedeng makahingi ng kopya ng SDE. Andun po si john feir, siya lang ang naka-Barong.”
May tugon ang official wedding videographer sa naturang kasal at i-pinost sa Facebook ang kuha ni John Feir. Sabi nila sa caption ng post, “Patrick: Tama January 3 di ba?”
Tingnan ang ilan sa nakakatawang reaksyon ng netizens at fans sa nangyari sa beloved Kapuso comedian sa gallery na ito:
