Fast Talk with Boy Abunda
Wilbert Ross, grateful kay Boy Abunda, Vice Ganda, 'It's Showtime', para sa magandang karera
Photo Inside Page
Photos
Isang resounding success ang major debut concert ni Wilbert Ross na “WRten by” na naganap noong July 25 at 26 sa New Frontier Theater. Ang concert ang nagsilbing pagdiriwang ng singer-actor ng kaniyang ika-10 anibersaryo sa show business.
Sa Fast Talk with Boy Abunda nitong Martes, August 11, ipinahayag ni Wilbert ang lubos niyang pasasalamat sa fans lalo na at 15 minuto pa lang nang simulan ang ticket selling ay na-sold out na ang kaniyang concert.
“Sobrang thankful ko nu'ng time na 'yun, pero hindi ko siya in-expect, Tito Boy, ha. Kasi ako, siyempre it's an honor na mabigyan ng chance na mag-concert. At para ma-sold out 'yun ng 15 minutes, sobrang 'Ganito na pala kadami ang willing makinig, marinig 'yung musika ko, ng mga sulat ko,'” sabi ni Wilbert.
Pag-amin ng singer-actor, noong una ay hindi siya makapaniwala pero sa huli, tinanggap na lang niya ito, at nasabing “I need to write more songs to inspire more other people.”
Sa kaniyang pagbisita sa naturang GMA Afternoon Prime talk show, pinasalamatan din niya ang ilang taong nanatili sa kaniyang tabi at naniwala sa kaniya, kabilang na sina King of Talk Boy Abunda at ang Unkabogable star na si Vice Ganda.
Alamin ang buong kuwento ni Wilbert sa gallery na ito:
