Around GMA

Article Inside Page

Paganda nang paganda at patindi nang patindi ang mga eksenang natutunghayan ng mga Kapuso sa hit Kapuso series na Abot-Kamay Na Pangarap.

Ang seryeng ito ay pinagbibidahan nina Jillian Ward at Carmina Villarroel.

Ngunit bukod sa lead actresses, isa sa mga karakter na sinusubaybayan din ngayon ng mga manonood ay ang role ni Che Cosio sa serye bilang si Dra. Katie Enriquez.

Si Dra. Katie ay kilala sa APEX Medical Hospital bilang matapang, istrikto, ngunit napakahusay na chief resident.

Habang si Moira (Pinky Amador) ay ipinipilit na magkaayos sila ng kaniyang asawa na si Doc RJ (Richard Yap), si Dra. Katie naman ay tila naguguluhan sa mga pangyayari matapos niyang muling makatagpo ang babaeng nakasakit sa kaniya noon.

Ang babaeng ito ay si Bea Almazan (Arny Ross), ang bagong pasyente ni Dra. Katie na dating naging kabit ng kaniyang asawa.

Hindi inaasahan ng chief resident na muli niyang maaalala ang lahat ng sakit na naramdaman niya noon dahil sa matinding problemang kinaharap niya sa kaniyang married life.

Samantala, labis na tumatak sa puso at isip ng ilang manonood ang mga sinabi ni Dra. Katie sa kaniyang asawa nang ipaalam niya rito na ang bago niyang pasyente ay ang naging kabit nito noon.

Ang mga sinabing ito ni Dra. Katie ay kasalukuyang pinag-usapan ngayon sa social media.

Ang ilan, nakaka-relate raw sa nararamdaman ng chief resident.

Panoorin ang episode na ito:

Abangan ang mga susunod na kapana-panabik na eksena sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

Mapapanood din ang programa via Kapuso Stream.

Maaaring balikan ang iba pang episodes ng serye dito.

SAMANTALA, KILALANIN ANG ILANG CELEBRITIES NA NAPANOOD AT MAPAPANOOD SA ABOT-KAMAY NA PANGARAP SA GALLERY SA IBABA: